بھارت کے شہر نوائیڈا سے تعلق رکھنے والے ایک شخص کے آن لائن ’اوبر‘ رکشے کا کروڑوں روپے کا کرایہ دیکھ ہوش اڑ گئے۔
رپورٹ کے مطابق دیپک ٹینگوریا نامی شخص نے اُبر انڈیا ایپلیکیشن کے ذریعے ایک رکشہ سواری بک کرائی جس کا کرایہ صرف 62 روپے تھا۔ دیپک ٹینگوریا جب اپنی منزل پر پہنچا تو اس کے اوسان خطا ہوگئے جب اس نے رکشے کا کرایہ 62 کے بجائے 7 کروڑ روپے سے زیادہ دیکھا۔
اس حیران کن واقعہ کو مسٹر دیپک کے قریبی دوست آشیش مشرا نے اپنے ایکس اکاؤنٹ پر شیئر کیا، ویڈیو کلپ میں مسٹر دیپک کو موصول ہونے والے بھاری بل پر بات کر رہے ہیں۔
ویڈیو میں دیکھا جا سکتا ہے کہ دیپک اپنے موبائل فون پر موصول ہونے والی رقم دکھاتے ہیں اور 62 کے بجائے 7 کروڑ روپے پر گفتگو کرتے دکھائی دیتے ہیں۔
सुबह-सुबह @Uber_India ने @TenguriyaDeepak को इतना अमीर बना दिया कि Uber की फ्रैंचाइजी लेने की सोच रहा है अगला. मस्त बात है कि अभी ट्रिप कैंसल भी नहीं हुई है. 62 रुपये में ऑटो बुक करके तुरंत बनें करोडपति कर्ज़दार. pic.twitter.com/UgbHVcg60t
— Ashish Mishra (@ktakshish) March 29, 2024
اس گفتگو کے دوران دیپک کا دوست انہیں مزاحیہ انداز میں کہتا ہے کہ اگر آپ نے چندریان بھی بک کیا ہوتا، تو اس سواری پر بھی آپ کا اتنا خرچہ نہ آتا۔
واضح رہے کہ دیپک اور ان کے دوست کی جانب سے مذکورہ ویڈیو کلپ وائرل ہونے کے فوراً بعد اُبرانڈیا کسٹمر سپورٹ کے آفیشل ایکس پیج کی جانب سے معافی نامہ جاری کیا گیا اور دعویٰ کیا کہ وہ اس معاملے کو دیکھ رہے ہیں۔
Hey, sorry to hear about the trouble. Please allow us sometime while we are looking into this issue for you. We will get back to you with an update.
— Uber India Support (@UberIN_Support) March 29, 2024
