وزیر داخلہ محسن نقوی نے چینی شہریوں کی حفاظت کے لیے فول پروف انتظامات کی ہدایت کرتے ہوئے کہا ہے کہ دشمن پاکستان کی ترقی اور خوشحالی نہیں چاہتا، شر پسند عناصر کے مذموم مقاصد کو ہرگز کامیاب نہیں ہونے دیں گے۔
مزید پڑھیں
وفاقی وزیر داخلہ محسن نقوی کی زیر صدارت وزارت داخلہ میں چینی شہریوں کے سیکیورٹی انتظامات پر اہم اجلاس ہوا۔ اجلاس میں غیر ملکیوں خصوصاً چینی شہریوں کی سیکیورٹی کے اقدامات کا تفصیلی جائزہ لیا گیا۔
وفاقی وزیر داخلہ محسن نقوی نے کہا کہ غیر ملکیوں خصوصاً چینی شہریوں کا تحفظ اولین ذمہ داری ہے۔ غیر ملکیوں خصوصاً چینی شہریوں کی حفاظت کے ایس او پیز پر عملدرآمد کو یقینی بنایا جائے۔ اجلاس میں غیر ملکیوں خصوصاً چینی شہریوں کے تحفظ کے لیے کیے گئے انتظامات کے بارے میں بریفنگ بھی دی گئی۔
