امریکی ریاست ٹیکساس سے تعلق رکھنے والی ایک نوجوان لڑکی میسی کرن نے دنیا کی سب سے لمبی ٹانگیں ہونے کی وجہ سے اپنی روزمرہ زندگی پیش آنے والی مشکلات کا اظہار کیا ہے۔
دی سن کی رپورٹ کے مطابق، 21 سالہ میسی کرن سب سے لمبی ٹانگوں والی خاتون ہونے کی وجہ سے سوشل میڈیا پر بھی وائرل ہوئی، کیونکہ اس نے 4
سال تک گنیز ورلڈ ریکارڈ بھی اپنے نام کیا تھا۔
ٹیکساس کے شہر آسٹن کی رہائشی خاتون کا کہنا تھا کہ ان کی پوسٹس پر لوگوں کی جانب سے ملے جلے رد عمل اور نفرت انگیز تبصرے سامنے آرہے ہیں۔ اس کی مجموعی اونچائی 6 فٹ 10 انچ ہے۔
منفی تبصروں کے باوجود میسی کرن اپنی ٹک ٹاک پوسٹس شیئر کرتی ہیں، انہیں اپنی لمبی ٹانگوں اور منفرد ہونے پر بھی فخر ہے۔
ان کا کہنا تھا کہ ‘سب سے بہترین اور منفرد بات یہ ہے کہ کوئی بھی میرے جیسا نہ نہیں‘ ، انہوں نے مزید کہا کہ وہ اپنے اسکول میں ہر کسی سے لمبا ہونا پسند نہیں کرتی تھیں۔
’ میسی کرن کا کہنا ہے کہ میں ہمیشہ سب سے بلند رہی ہوں، میں دوسری کلاس میں تھی اور باہر کھیلتے ہوئے کسی نے مجھ سے پوچھا کہ کیا میں مڈل اسکول کی طالبہ ہوں کیونکہ میرا قد بہت دراز ہے۔
ان کا مزید کہنا تھا کہ ‘اس وقت مجھے اپنے قد سے نفرت تھی کیونکہ یہ وہ چیز تھی جس کے لیے بچے مجھے نشانہ بناتے تھے۔
میسی کرن نے کہا کہ وہ دروازوں سے گزرتے وقت ہمیشہ اضافی احتیاط برتتی ہیں اور انہیں کپڑے تلاش کرنے میں بھی ہمیشہ دشواری کا سامنا کرنا پڑتا ہے کیونکہ اپنی مرضی کے مطابق ڈیزائن کردہ جینز کی ایک جوڑی کی قیمت 250 ڈالر ہے۔
