اداکار و میزبان فہد مصطفیٰ ایک دہائی سے مسلسل نشر ہونے والے اپنے گیم شو ’جیتو پاکستان‘ کی نمائندگی کر رہے ہیں جس میں لاکھوں روپے کے انعامات تقسیم کیے جاتے ہیں، اسی وجہ سے یہ شو عام افراد میں بھی مقبول ہے۔ لیکن پروگرام میں شرکت کرنے والے افراد کی وجہ سے اکثر اوقات میزبان و اداکار فہد مصطفیٰ سوشل میڈیا صارفین کے نشانے پر رہتے ہیں۔
حال ہی میں انہیں اس وقت صارفین کی تنقید کا سامنا کرنا پڑا جب گیم شو میں شرکت کے لیے آئی ایک فیملی نے موٹر سائیکل جیتی جب وہ جیتی ہوئی موٹر سائیکل پر اپنی بیوی کے ساتھ بیٹھنے لگا تو بیوی نے فہد مصطفی کے ساتھ موٹر سائیکل پر بیٹھنے کے لیے اپنے شوہر کو بائیک سے اتار دیا۔ اکثر صارفین نے خاتون کی جانب سے اس حرکت کا ذمہ دار میزبان کو قرار دیا اور کہا کہ شو کا بائیکاٹ کرنا چاہیے۔
ساجد عثمانی لکھتے ہیں کہ جیتو پاکستان میں ایک فیملی کے بائیک جیتنے پر بیوی نے شوہر سے کہا کہ آپ اتریں اور فہد مصفطیٰ کو بیٹھنے دیں۔
جیتو پاکستان میں ایک فیملی کے Bike جیتنے پر بیوی نے شوہر سے کہا کہ آپ اتریں, فہد مصطفیٰ کو بیٹھنے دیں۔۔۔🤣 pic.twitter.com/HwF9h897hT
— Sajid usmani (@SajidFb) April 7, 2024
ایک صارف نے لکھا کہ لگتا ہے کہ فہد مصطفیٰ پروگرام میں انعام کے لالچ میں عوام کسی بھی حد تک جا سکتے ہیں۔
فہد کے پروگرام میں لگتا ھے کہ انعام کے لالچ میں عوام کسی حد تک بھی جا سکتی ھے
— Muhammad Najeeb tipu (@Tipu278) April 7, 2024
عدیل نامی ایکس صارف لکھتے ہیں کہ وقت آ گیا ہے کہ فہد مصطفیٰ کے شو جیتو پاکستان کا بائیکاٹ کر دیا جائے۔
بیوی نے فہد مصطفی کے ساتھ موٹر سائیکل پر بیٹھنے کے لیے اپنے شوہر کو بائیک سے اتار دیا۔وقت آگیا ہے قوم اب جیتوں پاکستان جیسے اس گھٹیا شو کا بھی بائیکاٹ کریں۔ pic.twitter.com/9fzX4hQzhC
— Adeel PML( N ) (@BabarMu17622267) April 8, 2024
ایک صارف نے طنزاً لکھا کہ فہد مصطفیٰ کسی دن رشتے تڑوائے گا۔
فہد مصطفیٰ رشتے تڑوائے گا کسی دن pic.twitter.com/u0D2jkS6X4
— میاں عامر 🦁 (@LegiMian) April 7, 2024
احسن جدون لکھتے ہیں کہ ’شوہر موٹر سائیکل تو جیت گیا لیکن بیوی سے محروم ہوگیا‘۔
جیتو پاکستان: ’شوہر موٹر سائیکل تو جیت گیا لیکن بیوی سے محروم ہوگیا‘ https://t.co/obSfsU5eH9
— ahsan jadoon (@ahsan__jadoon) April 8, 2024
یاد رہے کہ شعیب ملک کی اداکارہ ثنا جاوید سے دوسری شادی کے بعد سوشل میڈیا صارفین نے تبصرہ کرتے ہوئے کہا تھا کہ دونوں کے درمیان فہد مصطفیٰ کے گیم شو جیتو پاکستان میں تعلقات استوار ہوئے اور ٹی وی میزبان نے ہی دونوں کا رشتہ کروایا۔
بعض صارفین کی جانب سے گیم شو کا ایک ویڈیو کلپ بھی شیئر کیا گیا جس میں ثنا جاوید اور شعیب ملک کو ایک دوسرے کے ساتھ ملتے اور باتیں کرتے دیکھا جا سکتا ہے جس کے بعد صارفین نے فہد مصطفیٰ کو نئی رشتے والی آنٹی قرار دے دیا
