سوشل میڈیا نے دنیا بھر میں جہاں عام سماجی رویوں کو متاثر کیا ہے وہیں اس کے ذریعے پھیلنے والی فیک نیوز کئی ملکوں میں سرکاری امور پر اثر انداز ہو رہی ہیں، یہی وجہ ہے کہ امریکا اور یورپ کے کئی ممالک نے اپنے سرکاری عملے پر سوشل میڈیا کے متعدد پلیٹ فارمز کے استعمال پر پابندی عائد کردی ہے۔ اب ایسا ہی کچھ پاکستان میں بھی دیکھنے میں آیا ہے۔
مزید پڑھیں
میڈیا رپورٹس کے مطابق فیڈرل بورڈ آف ریونیو کے جاری حکم نامہ میں کہا گیا ہے کہ فیڈرل بورڈ آف ریونیو افسران میڈیا سے بات چیت اور ملاقات نہیں کرسکتے۔
حکم نامے کے مطابق ترجمان ایف بی آر صرف میڈیا کے سوالات کا جواب دے سکتے ہیں۔
ایف بی آر کے حکم نامے میں افسران کو سوشل میڈیا کے استعمال سے بھی روک دیا گیا۔ حکم نامے کے مطابق ایف بی آر افسران ذاتی حیثیت سے سوشل میڈیا استعمال نہیں کرسکتے۔
