بڑھتی مہنگائی اور روز مرہ کے اخراجات میں جہاں پیسوں کو بچانا بہت مشکل کام ہے وہیں مصروف زندگی میں وقت کی بچت بھی ناممکن لگتا ہے لیکن آج ہم آپ کی اس مشکل کو دور کرتے ہیں اور آپ کو کچھ ایسے طریقے بتاتے ہیں جن سے آپ کا وقت اور پیسے دونوں بچ سکتے ہیں۔
بجلی کا استعمال:
گھر میں غیر ضروری برقی آلات کا استعمال کم کیا جائے اور اپنے کمرے سے نکلتے وقت لائٹ اور پنکھوں کو بند کردیں اس سے آپ کے بجلی کے بھاری بھرکم بل میں کمی آئے گی۔
کافی:
کافی پینا لوگوں کو پسند ہوتا ہے جس کیلئے وہ کافی شاپ پر اپنے پیسے اور وقت دونوں کو خرچ کرتے ہیں لیکن کافی کے کم استعمال سے اور گھر میں کافی بنا کر آپ پیسے اور وقت دونوں کو بچا سکتے ہیں۔
کپڑوں کی خریداری:
بڑی تعداد میں لوگ اپنی تنخواہ کپڑوں کی خریداری میں لگاتے ہیں، بہتر سے بہترین کی تلاش میں مارکیٹوں کے چکر لگائے جاتے ہیں جس میں وقت اور پیسے دونوں ضائع ہوتے ہیں، ضرروت کے مطابق شاپنگ سے تنخواہ کا کچھ حصہ بچ سکتا ہے۔
کیش کا استعمال:
اگر آپ نے شاپنگ کرنی ہے تو کیش سے ہی کیجیے کیونکہ کریڈٹ کارڈ کے استعمال سے شاپنگ زیادہ کی جاتی ہے جس کے باعث بجٹ آؤٹ ہوجاتا ہے۔
کاموں کی لسٹ:
مثال کے طور پر گھر کا راشن خریدنے جانا ہے تو پہلے لسٹ تیار کی جائے جن میں ضرروی اشیا کو شامل کیا جائے اس سے آپ کا وقت اور پیسے دونوں کی بچت ہوگی اور غیر ضروری اشیا کی خریداری بھی نہیں ہوگی۔
