آرمی چیف جنرل عاصم منیر سے سعودی وزیر خارجہ کی ملاقات، دوطرفہ تعلقات پر تبادلہ خیال

منگل 16 اپریل 2024
icon-facebook icon-twitter icon-whatsapp

آرمی چیف جنرل سید عاصم منیر سے سعودی عرب کے وزیر خارجہ شہزادہ فیصل بن فرحان نے وفد کے ہمراہ ملاقات کی ہے۔

پاک فوج کے شعبہ تعلقات عامہ (آئی ایس پی آر) کے مطابق ملاقات میں مختلف شعبوں میں دوطرفہ تعاون کو مزید فروغ دینے کے امور پر تبادلہ خیال کیا گیا۔

آئی ایس پی آر نے بتایا کہ سعودی وزیر خارجہ نے دونوں ممالک کے درمیان تعلقات کی پائیدار اور اسٹریٹجک نوعیت پر زور دیا۔

آرمی چیف جنرل عاصم منیر نے سعودی عرب کے وفد کے دورے کی تعریف کرتے ہوئے کہاکہ پاکستان کے عوام اپنے سعودی بھائیوں کے لیے عقیدت اور محبت کا اظہار کرتے ہیں۔

چیف آف آرمی اسٹاف نے دونوں ممالک کے درمیان بات چیت کے باہمی فائدہ مند نتائج کے لیے اپنی نیک خواہشات کا اظہار کیا۔

واضح رہے کہ سعودی عرب کے وزیر خارجہ کی سربراہی میں اعلیٰ سطح کا وفد گزشتہ روز پاکستان پہنچا تھا، وزیر خارجہ نے صدر مملکت آصف علی زرداری اور وزیراعظم شہباز شریف سے ملاقاتیں کی ہیں۔

اس کے علاوہ سعودی وزیر خارجہ نے اپنے ہم منصب اسحاق ڈار کے ہمراہ مشترکہ پریس کانفرنس کرتے ہوئے کہاکہ پاکستان کا دورہ مفید ثابت ہوا، سرمایہ کاری کے حوالے سے ابتدائی بات چیت ہوئی ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp