ہنزہ خان آباد سے تعلق رکھنے والی کم سن کرکٹر علیحہ شاہ کا ان دنوں سوشل میڈیا پر بڑا شہرہ ہے۔
مزید پڑھیں
علیحہ شاہ کا تعلق گلگت بلتستان کے ضلع ہنزہ کے دور افتادہ علاقے خان آباد سے ہے اور ان کی عمر صرف 8 برس ہے۔ وہ کلاس ششم کی طالبہ ہیں۔
علیحہ کہتی ہیں کہ وہ 4 سال سے کرکٹ کھیل رہی ہیں اور بڑی ہوکر بطور کرکٹر پاکستان کا نام روشن کرنا چاہتی ہیں۔
انہوں نے کہا کہ ’میرے پسندیدہ کھلاڑی وسیم اکرم اور بابر اعظم ہیں اور میری بولنگ کا اسٹائل وسیم اکرم کی طرح ہے‘۔
علیحہ کہتی ہیں کہ انہیں کرکٹ کھیلنا پسند ہے اور وہ بڑی ہوکر کرکٹر بننا چاہتی ہیں۔
ان کی ٹیچرز نے بتایا کہ علیحہ پڑھنے میں بھی بہت تیز اور خاصی محنتی اور لائق طالبہ ہیں اور پڑھائی کے ساتھ کھیل میں بھی ہمیشہ پوزیشن لیتی ہیں۔
علیحہ کے والد رحمت شاہ نے کہا کہ میری بیٹی 4 سال سے کھیل رہی ہے میری 3 بیٹاں اور ایک بیٹا ہے جن میں علیحہ سب سے قابل ہے جو کہ کھیل کے علاؤہ پڑھائی میں بھی بہت اچھی ہے اور گھر کا کام بھی کرتی ہے۔
انہوں نے کہا کہ ’میں بھی بچپن میں بھی کرکٹ کا کھلاڑی تھا لیکن مصروفیات کی وجہ سے کھیل چھوڑ دیا لیکن میں چاہتا ہوں کہ میری بیٹی بڑی ہوکر کرکٹر بنے اور پاکستان کا نام روشن کرے‘۔
