آئندہ 24 گھنٹے کے دوران ملک کے بیشتر علاقوں میں موسم گرم اور خشک رہے گا اور آندھی اور جھکڑ چلنے کی بھی توقع ہے تاہم بالائی علاقوں میں مطع ابرآلود رہنے کے علاوہ چند مقامات پر بارش کا امکان ہے۔
مزید پڑھیں
اسلام آباد
محکمہ موسمیات کے مطابق، اسلام آباد اور گردو نواح میں دن کے اوقات میں موسم خشک تاہم شام اور رات میں مطلع جزوی ابر آلود رہنے کے علاوہ آندھی اور جھکڑ چلنے اور گرج چمک کے ساتھ بارش کا امکان ہے۔
پنجاب
پنجاب میں مری، گلیات اور خطہ پوٹھوہار میں مطلع جزوی ابرآلود رہنے کے علاوہ چند مقامات پر آندھی اور جھکڑ چلنے اور گرج چمک کے ساتھ بارش کی توقع ہے۔ صوبہ کے دیگراضلاع میں موسم خشک اور مطلع جزوی ابرآلود جبکہ وسطی اور جنوبی اضلاع میں موسم گرم اور آندھی اور جھکڑ چلنے کا امکان ہے۔
سندھ
سندھ کے بیشتر اضلاع میں موسم گرم اور خشک اور مطلع جزوی ابر آلود جبکہ بالائی اضلاع میں شام اور رات میں آندھی اور جھکڑ چلنے کا امکان۔
خیبرپختونخوا
خیبرپختونخوا کے بیشتر اضلاع میں مطلع جزوی ابرآلود رہے گا۔ تاہم وزیرستان، ڈیرہ اسماعیل خان، ٹانک، بنوں، کرم، خیبر ،باجوڑ، چترال، سوات، دیر ،کوہستان، مالاکنڈ، شانگلہ، بونیر، مانسہرہ، ایبٹ آباد، صوابی اور پشاورمیں چند مقا مات پر آندھی اور جھکڑ چلنے اور گرج چمک کے ساتھ بارش کی توقع ہے۔
بلوچستان
بلوچستان کے بیشتر اضلاع میں مطلع جزوی ابر آلود رہنے جبکہ کوئٹہ، چمن،زیارت، پشین ،مستونگ ،قلعہ سیف اللہ ، شیرانی ،موسی خیل ،ژوب، بارکھان، نوکنڈی، خضدار اور قلات میں چند مقامات پر آندھی اور گرج چمک کے ساتھ بارش کی توقع ہے
گلگت بلتستان اور آزاد کشمیر
گلگت بلتستان اور آزاد جموں و کشمیر میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔
