انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ 2024 کا آفیشل ترانہ ’آؤٹ آف دِس ورلڈ‘ جاری کردیا جس میں گریمی ایوارڈ یافتہ گلوکار شان پال اور سوکا سپر اسٹار کیس نے اپنی آواز کا جادو جگایا ہے۔
مائیکل تنو مونٹانو کے تیار کردہ ترانے کو میوزک ویڈیو کے ساتھ لانچ کیا گیا ہے جس میں 8 بار کے اولمپک گولڈ میڈلسٹ یوسین بولٹ، کرکٹ اسٹار کرس گیل، علی خان، شیو نارائن چندر پال اور دیگر شخصیات شامل ہیں۔
آئی سی سی کے ترانہ ریلیز کیے جانے کے بعد صارفین کی جانب سے مختلف تبصرے کیے جا رہے ہیں، سحرش جاوید نے آئی سی سی پر تنقید کرتے ہوئے کہا کہ اس ویڈیو میں شان مسعود تو موجود ہیں لیکن بابر اعظم نہیں ہیں ایسا کیوں ہے؟
Shan masood is in the video, but No Babar Azam in the video. What is this behaviour ICC??
— Sehrish Javed (@Sehrish_javed12) May 2, 2024
ایک صارف نے لکھا کہ آئی سی سی کا گانا تو بہت اچھا ہے لیکن ویڈیو اچھی نہیں بنائی گئی۔
Song good video not good 😏
— Urooj Jawed🇵🇰 (@uroojjawed12) May 2, 2024
ایک صارف نے آئی سی سی سے سوال کیا کہ یہ ہندوستانی ٹیم کا ترانہ ہے یا ٹی 20 ورلڈ کپ کا، براہ مہربانی اس بارے میں ہمیں آگاہ کریں۔
ICC !! is it indian team anthem or T-20 world cup anthem please update
— M Moazzam Siddique (@Moazzams1972) May 2, 2024
ایک بھارتی صارف نے لکھا کہ اس ترانے کی سمجھ نہیں آئی لیکن سن کر اچھا لگ رہا ہے۔
https://x.com/beingcricfan/status/1786006422049984876
نوشی ستی نے ویڈیو میں سے پاکستان اور امریکہ کے جھنڈے کی تصویر شیئر کرتے ہوئے لکھا کہ آپ سب گانا سن رہے ہیں جبکہ میں ان جھنڈوں کو دیکھ رہی ہوں۔
ap song dekh ry thy aur mein song Ky ander yh😂😂 https://t.co/UbO87UOYy5 pic.twitter.com/FvQZAkrOD9
— Noshi Satti 🇵🇰 🐅 زہریلی (@sattitigeress2) May 2, 2024
یاد رہے کہ آئی سی سی ٹی 20 ورلڈ کپ کا آغاز 2جون سے ویسٹ انڈیز اور امریکا میں ہوگا جبکہ روایتی حریف پاک بھارت ٹیمیں 9 جون کو مدمقابل آئیں گی۔
ٹورنامنٹ میں 20 ٹیمیں شرکت کریں گی جنہیں 5، 5کے 4گروپس میں تقسیم کیا گیا ہے جس میں سے ہر گروپ کی 2ٹاپ ٹیمیں سپر ایٹ راؤنڈ میں جگہ بنائیں گی۔
سپر8 راونڈ میں ٹیموں کو ایک بار پھر 4، 4کے 2گروپس میں تقسیم کیا جائے گا جہاں سے 2، 2ٹاپ ٹیمیں سیمی فائنل میں جگہ بنائیں گی اور پھر فاتح ٹیمیں 29 جون کو فائنل کھیلیں گی۔
