اکشے کمار اور ارشد وارثی کی جولی ایل ایل بی 3 کب ریلیز ہورہی ہے؟

بالی ووڈ اسٹارز اکشے کمار اور ارشد وارثی نے ایک مزاحیہ سوشل میڈیا پوسٹ کے ذریعے جولی ایل ایل بی3 کی ریلیز کا اعلان کیا۔ پوسٹ میں اداکاروں کو مزاحیہ انداز میں بحث کرتے ہوئے دیکھا گیا کہ کون اصلی ہے اور کون ڈپلیکیٹ ہے۔

اکشے کمار نے ویڈیو کے کیپشن میں لکھا کہ اب کون اصلی ہے اور کون ڈپلیکیٹ، یہ ہم نہیں جانتے۔ لیکن آپ کو واقعی بہت مزہ آنے والا ہے۔ فلم کے ہدایت کار سبھاش کپور ہیں۔

بالی ووڈ اداکار اکشے کمار اور ارشد وارثی نے اپنی آنے والی فلم جولی ایل ایل بی 3 کی شوٹنگ بھی شروع کردی ہے۔ بالی ووڈ کی یہ جوڑی ایک بار پھر شائقین کو محظوظ کرنے کے لیے تیار ہے۔

کامیڈی کورٹ روم ڈرامہ فلم جولی ایل ایل بی 3 کی تازہ ترین ویڈیو سوشل میڈیا پر وائرل ہو رہی ہے جس میں اکشے کمار اور ارشد وارثی ایک ساتھ ہیں۔ ویڈیو میں ارشد نے سب کو خبردار کیا ہے کہ وہ جعلی جولی سے ہوشیار رہیں، جبکہ اکشے نے اپنا تعارف جولی کے طور پر کرایا۔

فلم کی کہانی اصلی اور جعلی جولی کے درمیان قانونی جنگ کے گرد گھوم سکتی ہے۔ سوربھ شکلا بھی مختصر ویڈیو میں نمایاں ہیں۔

جولی ایل ایل بی سیریز کی آخری والیم 2017 میں ریلیز ہوئی تھی۔ اس میں اکشے کمار اور ہما ​​قریشی نے اہم کردار ادا کیے تھے۔ پہلی جولی ایل ایل بی فلم 2013 میں ریلیز ہوئی تھی جس میں ارشد وارثی اور سوربھ شکلا نے اداکاری کی تھی۔

اکشے کمار اور ارشد وارثی نے اس کے علاوہ ویلکم2 دی جنگل نامی فلم میں بھی کام کیا ہے۔ انہوں نے آخری بار 2022 میں بچن پانڈے میں بھی ساتھ کام کیا تھا۔