کچے کے علاقے کے ڈاکوؤں کی وارداتیں عرصہ دراز سے جاری ہیں۔ لوگوں کو اغوا کرنا، یرغمال بنانا اور قتل جیسی وارداتیں ان کا وتیرہ ہیں۔ کچے کے ڈاکو سرِعام شہریوں کو اغوا کرکے جسمانی تشدد کی ویڈیوز بناتے اور اہل خانہ سے کروڑوں روپے تاوان مانگتے ہیں اور تاوان نہ ملنے کی صورت میں مغوی کو بے دردی سے قتل کرکے لاش ویرانے میں پھینک دی جاتی ہے۔ ایسی ہی اغوا برائے تاوان کی ایک ویڈیو سوشل میڈیا پر وائرل ہو رہی ہے جس میں کچے کے ڈاکوؤں نے 5 سالہ بچے کو اغوا کرکے زنجیروں سے لٹکا دیا ہے۔
*کندھ کوٹ/ مغوی بچے کی ویڈیو وائرل
کچے کے ڈاکو وحشی بن گئے پیسوں کی خاطر مغوی بچے کے ساتھ انسانیت سوز سلوک
25 روز قبل ڈاکوؤں کے ہاتھوں اغوا ہونے والا 6 سالہ بچہ ایاز پٹھان بازیاب نہ ہو سکا.مغوی بچے کی بازیابی کیلئے ڈاکوؤں نے ورثاء سے 50 لاکھ روپے تاوان طلب کرلیا.تاوان وصولی… pic.twitter.com/UwyZlhr8oC— Exact Press International (@ExactPressIntl) May 9, 2024
ایکزیکٹ پریس انٹرنیشنل نامی ایکس پروفائل پر ایک ویڈیو شیئر ہوئی جس سے متعلق بتایا گیا ہے کہ کندھ کوٹ میں ڈاکوؤں نے کمسن ایاز پٹھان کو 14 اپریل کو گڈو کشمور سے باہر کھیلتے ہوئے اغوا کیا اور بچے کی رہائی کے بدلے 50 لاکھ روپے تاوان طلب کیا تھا۔ تاوان کی وصولی کے لیے ڈاکوؤں نے آج معصوم بچے کو زنجیروں سے جکڑ کر ویڈیو وائرل کردی۔ بچہ زنجیروں سے جکڑا ہوا زاروں قطار رو رہا ہے۔
مزید پڑھیں
ویڈیو میں دیکھا جا سکتا ہے کہ بچہ زنجیروں سے جکڑا ہوا زارو قطار رو رہا ہے۔ ویڈیو میں مغوی بچہ اپنے ورثا سے اپیل کررہا ہے کہ ڈاکوؤں کو پیسے دے کر میری جان چھڑوائیں۔
عبداللہ طارق سہیل اس ویڈیو پر تبصرہ کرتے ہوئے لکھتے ہیں کہ کچے کے ڈاکوؤں نے اس 5 سالہ بچے کو اغوا کرکے لٹکا دیا ہے، انہوں نے اس واقعہ پر ریاست کو تنقید کا نشانہ بناتے ہوئے کہا کہ ریاست وفات پا چکی ہے۔
ریاست وفات پا چکی ھے
کچے کے ڈاکوؤں نے اس 5 سالہ بچے کو اغوا کرکے لٹکا دیا https://t.co/7pA3ds4YFk— Abdullah Tariq Sohail (@ats_sohail) May 9, 2024
ایک ایکس صارف نے کہا کہ اس بدقسمتی سے اسلامی جمہوریہ پاکستان میں کون اس معصوم کی بے بسی کو دیکھے گا۔ اللہ ہی جو اپنا کرم فرمائے۔
اس بدقسمت اسلامی جمہوریہ پاکستان کی ریاست میں کون اس معصوم کی بے بسی کو دیکھے گا. اللہ ہی جو اپنا کرم فرمائے آمین
— 🌍Daring_One🌍 (@Pakistani786012) May 9, 2024
محمد رحمان لکھتے ہیں کہ پتا نہیں ریاست ان غنڈوں کے آگے کیوں بے بس ہے، انہوں نے سوال کیا کہ آخر کب تک یہ ظلم ہوگا۔
پتہ نہیں ریاست ان غنڈوں کے آگے کیوں بے بس ہے آخر کب تک یہ ظلم ہوگا @OfficialDGISPR @BBhuttoZardari
— Muhammad Rehman (@M_Rehman130) May 9, 2024