چیف جسٹس بلوچستان ہائیکورٹ جسٹس ہاشم کاکڑ جمعے کو ایک روزہ دورے پر قلات گئے اور انہوں نے تحصیل منگچر میں جوڈیشل کمپلیکس کا افتتاح کیا۔
مزید پڑھیں
جسٹس ہاشم کاکڑ نے جوڈیشل لاک اپ کا دورہ کیا اور قیدیوں سے ان کے کیسز کی بابت دریافت کیا۔
چیف جسٹس نے شاہی دربار کا دورہ کیا اور وہاں رکھی ہوئی محمد علی جناح کی استعمال کی چیزیں دیکھیں۔
اس موقعے پر چیف جسٹس بلوچستان ہائیکورٹ جسٹس ہاشم کاکڑ نے کہا کہ ہم کوشش کررہے ہیں کہ لوگوں کو ان کی دہلیز پر انصاف فراہم کریں۔
انہوں نے کہا کہ بلوچستان کی تاریخ قلات کے بغیر نامکمل ہے کیوں کہ یہ نصیر خان نوری کی سرزمین ہے۔ انہوں نے مزید کہا کہ قلات کو نظر انداز کیا گیا ہے۔
چیف جسٹس نے کہا کہ قلات میں قلعہ میری کی طرز پر جوڈیشل کمپلیکس بنائیں گے اور اسی سال قلات جوڈیشل کمپلیکس کوپی ایس ڈی پی میں ڈلوایا جائے گا۔
