ہاردیک پانڈیا اور نتاشا اسٹینکووچ نے 31 مئی 2020 کو شادی کی تھی اور اسی سال 30 جولائی کو اپنے بیٹے آگستیا کا دنیا میں استقبال کیا۔
ہاردیک پانڈیا اور نتاشا اسٹینکووچ کی طلاق کا خدشہ مائیکرو بلاگنگ پلیٹ فارم ‘ریڈ اِٹ’ پر ایک صارف نے کیا جس کی اب بھارتی میڈیا تصدیق کرتا نظر آرہا ہے۔
🚨 بریکنگ: نتاسا اسٹینکووچ اور ہاردیک پانڈیا دونوں میاں بیوی نے علیحدگی اختیار کر لی۔ پانڈیا کی 70% جائیداد نتاسا سٹانکووچ کو منتقل کر دی جائے گی، انہوں نے آج اپنی طلاق کی تصدیق کر دی ہے۔۔۔۔۔۔!!! pic.twitter.com/xZRWUsqaSx
— ZAIB KHAN🏏🇵🇰💚 (@ZaibKhano) May 26, 2024
بھارتی میڈیا ویب سائٹس ’کرکٹ ون‘ اور ’فلمی مانترا میڈیا‘ کے مطابق ہاردیک اور ان کی اہلیہ کے درمیان طلاق ہوچکی ہے۔
اسٹار جوڑی کی طلاق سے متعلق پھیلی خبروں پر ردِ عمل دیتے ہوئے متعدد سوشل میڈیا صارفین اس خبر کی صداقت کے حوالے سے سوال کر رہے ہیں کیونکہ ہاردیک پانڈیا اور نتاشا نے باقاعدہ اعلان نہیں کیا ہے۔
طلاق کی غیرتصدیق شدہ خبروں کے ساتھ ساتھ اب بھارتی میڈیا میں طلاق کے سبب ہاردیک پانڈیا کی زندگی میں پیش آنے والی ممکنہ مشکلات سے متعلق بھی بات کی جارہی ہے۔ بتایا جارہا ہے کہ اگر ہاردیک پانڈیا اور نتاشا اسٹیکووچ کے درمیان طلاق ہوگئی تو قانونی طور پرکرکٹر کی 70 فیصد جائیداد سابقہ اہلیہ نتاشا کو منتقل کی جائے گی۔
بھارتی میڈیا رپورٹس کے مطابق ہاردیک پانڈیا کروڑوں کی جائیداد کے مالک ہیں۔ آئی پی ایل کے لیے ملنے والی میچ فیس کے ساتھ ساتھ وہ کئی دوسرے طریقوں سے بھی کمائی کرتے ہیں۔ ہاردیک پانڈیا آئی پی ایل کی ٹیم ممبئی انڈینز کا حصہ ہیں۔ انہیں ٹیم سے 15 کروڑ روپے فیس کے طور پر ملتے ہیں۔
اگرچہ دونوں کے درمیان طلاق ہوجانے کی خبر تقریباً سچ مان لی گئی ہے لیکن نتاشا اور ہاردیک پانڈیا نے ابھی تک ایک دوسرے کو انسٹاگرام پر ان فالو نہیں کیا اور نہ ہی دونوں نے ایک ساتھ شیئر کی گئی تصاویر ڈیلیٹ کی ہیں۔
