پاکستان میں تعینات امریکی سفیر ڈونلڈ بلوم نے کہا ہے کہ پاکستان میں کرکٹ کے لیے بے انتہا محبت اور جنون دیکھا ہے، ٹی20 ورلڈ کپ میں پاکستان کرکٹ ٹیم کے لیے نیک خواہشات ہیں۔
مزید پڑھیں
امریکی سفیر ڈونلڈ بلوم نے اب اپنے ایک ویڈیو بیان میں کہا ہے کہ حال ہی میں (30 اپریل کو) انہوں نے پاکستان کرکٹ ٹیم کے کھلاڑیوں کے ساتھ ملاقات کی تھی جس میں کھلاڑیوں سے چند بؤلنگ اور بیٹنگ ٹپس سیکھی تھیں۔
انہوں نے کہا ہے کہ پاکستان میں کرکٹ کے لیے بے انتہا محبت اور جنون دیکھا ہے، موسم گرما میں بھی ہر کھلی جگہ پر پاکستان میں کرکٹ کھیلی جاتی ہے، پاکستان، امریکا دونوں ہی کھیلوں کے لیے محبت رکھنے والے ملک ہیں۔
ڈونلڈ بلوم نے مزید کہا کہ امریکا پہلی بار ٹی 20 ورلڈکپ کی میزبانی کررہا ہے، امید ہے کہ تمام میچز دلچسپ ہوں گے۔ ٹی20 ورلڈکپ کے لیے کپتان بابراعظم اور ٹیم پاکستان کے لیے ان کی نیک خواہشات ہیں۔
US Ambassador Donald Bloom: I wish all the very best to Babar Azam & Pakistan Cricket Team for T20 World Cup. #BabarAzam #T20WorldCup pic.twitter.com/my2tPXTUbK
— Nawaz 🇵🇰 (@Rnawaz31888) June 1, 2024
کھیل کا جوش دوبالا کرنے کے حوالے سے یہ خبر یقیناً دلچسپی سے خالی نہیں کہ امریکا اور پاکستان دونوں ایک ہی گروپ میں شامل کیے گئے ہیں اور دونوں ممالک 6 جون کو ایک دوسرے کے مدِمقابل ہوں گے جس کا کرکٹ شائقین کو بے چینی سے انتظار ہے۔
