سعودی عرب کے سفیر نواف بن سعید احمد المالکی نے کہا ہے کہ پاکستان سی سی ٹی 20 ورلڈ کپ 2024 ضرور جیتے گا، پاکستانی عوام یقیناً ورلڈ کپ میں ٹیم کی کامیابی کا جشن منائیں گے۔
مزید پڑھیں
پاکستان میں تعینات سعودی عرب کے سفیر نواف بن سعید احمد المالکی نے پاکستان کرکٹ ٹیم کے نام خصوصی ویڈیو پیغام میں آئی سی سی ٹی 20 ورلڈ کپ 2024 کے لیے پاکستان کرکٹ ٹیم کے لیے نیک خواہشات کا اظہار کیا ہے۔
سعودی سفیر نے کہا ’پاکستانی کرکٹ ٹیم کے اپنے بھائیوں کے لیے میرا پیغام ہے کہ ان شا اللہ آپ یہ ٹورنامنٹ جیتیں گے، پاکستانی عوام یقیناً ورلڈ کپ میں ٹیم کی کامیابی کا جشن منائیں گے۔‘
نواف بن سعید احمد المالکی کا کہنا ہے کہ وہ پاکستان کی خوشحالی اور ترقی کے لیے بھی دعا گو ہیں، آئی سی سی ٹی 20 ورلڈ کپ 2024 جیتنے پر پاکستان کرکٹ ٹیم اگلے برس حج پر شاہی مہمان ہوگی۔
واضح رہے کہ پاکستان کرکٹ ٹیم ٹی 20 ورلڈ کپ 2024 کا آغاز 6 جون کو ڈلاس میں میزبان ٹیم امریکا کے خلاف میچ سے کرے گی۔
قومی کرکٹ ٹیم اس کے بعد 9، 11 اور 16 جون کو بالترتیب بھارت، کینیڈا اور آئرلینڈ کے خلاف میچزکھیلے گی۔
گروپ اسٹیج کے میچز کے بعد گروپ کی ٹاپ 2 ٹیمیں سپر 8 مرحلے کے لیے ویسٹ انڈیز جائیں گی۔
