آزاد کشمیر کی وادی نیلم کے علاقے کیل سے تاؤبٹ جانے والی مسافر گاڑی دریائے نیلم میں جاگری ہے جس میں 22 افراد سوار تھے۔
اطلاعات کے مطابق گاڑی کو کریم آباد کے مقام پر حادثہ پیش آیا اور دریا میں جاگری، ریسکیو حکام نے اب تک 6 افراد کی لاشیں نکال لی ہیں جبکہ 6 زخمیوں کو اسپتال منتقل کیا گیا ہے۔
مزید پڑھیں
حکام نے بتایا کہ گاڑی کی چھت پر سوار 5 افراد نے حادثے کے وقت چھلانگیں لگا کر جانیں بچائیں۔
ریسکیو حکام نے بتایا کہ 5 افراد ابھی بھی لاپتا ہیں جن کی تلاش کے لیے ریسکیو آپریشن جاری ہے، تاہم دشوار راستے اور اندھیرے کی وجہ سے مشکلات پیش آرہی ہیں۔
حادثے کے وقت گاڑی کی چھت سے چھلانگ لگا کر بچ جانے والے مسافر کے مطابق حادثہ سڑک کی خستہ حالی کے باعث دیوار سرک جانے سے پیش آیا۔
