مشہور اداکار، میزبان اور کامیڈین احمد علی بٹ اپنے ٹی وی شو اور پوڈ کاسٹ کی وجہ سے آئے روز سوشل میڈیا کی زینت بنتے رہتے ہیں، اس عید پر بھی وہ سوشل میڈیا پر شدید تنقید کی زد میں ہیں۔ حال ہی میں، ہمایوں سعید ان کے عید کے خصوصی پوڈ کاسٹ میں مہمان تھے، جہاں ایک عجیب سوال کی وجہ سے احمد علی بٹ سوشل میڈیا پر صارفین کے نشانے پر ہیں۔
پوڈ کاسٹ میں احمد علی بٹ نے ہمایوں سعید سے ہالی ووڈ فلم دی کراؤن میں لڑکی کے ساتھ ہونے والے کسنگ سین سے متعلق عجیب و غریب سوال کیا، احمد علی بٹ نے پوچھا کہ آپ نے اس خاص منظر کی تیاری کیسے کی؟ کیا آپ نے پریکٹس کی تھی؟ جس پر ہمایوں سعید حیران ہوتے دکھائی دیے، اور سوال کو گھما پھرا کر خوب ہینڈل کیا۔
مزید پڑھیں
اس سوال کا جواب ہمایوں سعید نے انتہائی سنجیدگی سے دیتے ہوئے کہا کہ یہ صرف ایک ایکٹ تھا جو انہوں نے گرین اسکرین کے سامنے کیا اور جو منظر لوگوں نے دیکھا اسے اس طرح فلمایا گیا کہ یہ کوئی کسنگ سین لگتا ہے۔
دوسری جانب سوشل میڈیا صارفین غصے میں ہیں، اور احمد علی بٹ کو ایک پوڈ کاسٹ میں ایسا نفرت انگیز سوال پوچھنے پر تنقید کا نشانہ بنا رہے ہیں، کیونکہ اداکار اس بارے میں بات کرنے میں راضی نہیں تھے۔
مداحوں کا یہ بھی کہنا تھا کہ احمد علی بٹ کے سوال نے ہمایوں سعید کو غصہ دلایا ہے۔ جس پر مداح ان کو آڑے ہاتھوں لے رہے ہیں، مداحوں کا خیال ہے کہ انہیں اپنے پوڈ کاسٹ میں مہذب ہونا چاہیے۔ ایک سوشل میڈیا صارف نے لکھا کہ یہ یوٹیوبرز اور پوڈ کاسٹر مواد اور پیسے کے لیے اپنی تمام اقدار کو بھول چکے ہیں۔
واضح رہے احمد علی بٹ ایک مشہور پاکستانی کامیڈین، ریپر، اداکار اور میزبان ہیں۔ وہ کئی سالوں سے انڈسٹری کا حصہ ہیں۔ ان کے قابل ذکر پروجیکٹس انسپکٹر کھوجی، جٹ اینڈ بانڈ، جھوتی، جوانی پھر نہیں آنی اور دیگر ہیں۔
فی الحال، وہ گرین انٹرٹینمنٹ کے ڈرامہ سیریل جنٹلمین میں نظر آ رہے ہیں۔ اس کے علاوہ، وہ اپنے یوٹیوب چینل پر ایک پوڈ کاسٹ کی میزبانی کرتا ہے۔
