ثانیہ مرزا اور کرکٹرمحمد شامی میں قربتیں شادی میں بدلنے والی ہیں؟

سوشل میڈیا صارفین کی جانب سے سابق ٹینس اسٹار ثانیہ مرزا اور کرکٹر محمد شامی کے درمیان مبینہ تعلقات استوار ہونے کی خبروں کے بعد بھارتی میڈیا کی جانب سے دعویٰ کیا جا رہا ہے کہ ثانیہ مرزا جلد ہی کرکٹر محمد شامی سے شادی کرنے والی ہیں۔

بھارتی ویب سائٹ کے مطابق ثانیہ مرزا اور محمد شامی 20 اگست کو شادی کرنے والے ہیں۔ مگر تاحال ان دونوں معروف شخصیات کی جانب سے ان خبروں کی کوئی تصدیق یا تردید نہیں کی گئی ہے۔

تاہم ثانیہ مرزا کے والد عمران مرزا نے واضح کیا کہ یہ سب جھوٹ ہے، ثانیہ مرزا کی تو کبھی محمد شامی سے ملاقات تک نہیں ہوئی۔

یاد رہے کہ حال ہی میں ثانیہ مرزا نے نیٹ فلکس پر پیش کردہ انڈیا کے مشہور کامیڈی  پروگرام ’کپل شرما شو‘ میں شرکت کی۔ شو کے میزبان نے ثانیہ مرزا کو یاد دلایا کہ شاہ رخ خان نے ایک بار کہا تھا کہ اگر ثانیہ پر  کوئی فلم بنی تو وہ اس فلم میں ثانیہ کے ’لو انٹرسٹ‘ (پارٹنر) کا کردار ادا کریں گے۔ کپل شرما کی اس بات پر ثانیہ مرزا نے جواب دیا کہ ابھی مجھے پہلے ’لو انٹرسٹ‘ ڈھونڈنا ہے۔

واضح رہے کہ محمد شامی کی اپنی پہلی اہلیہ سے طلاق کے معاملات عدالت میں زیر سماعت ہیں، اہلیہ نے ان پر گھریلو تشدد کے الزامات بھی لگا رکھے ہیں۔ محمد شامی نے حسین جہاں سے 2014 میں شادی کی تھی اور انہیں ایک بیٹا بھی ہے۔

اسی طرح ثانیہ مرزا نے کرکٹر شعیب ملک سے اپریل 2010 میں شادی کی تھی، اور 30 اکتوبر 2018 کو ان کے ہاں پہلے بیٹے اذہان مرزا کی پیدائش ہوئی۔

شعیب ملک نے رواں برس جنوری میں اداکارہ ثنا جاوید سے شادی کرلی تھی، جس کے بعد  ثانیہ مرزا اور شعیب ملک کے درمیان علیحدگی کی خبروں کی باقاعدہ تصدیق ہوگئی تھی۔ شعیب ملک کی دوسری شادی کے بعد ثانیہ مرزا کی دوسری شادی بھی خبروں میں ہے اور سوشل میڈیا صارفین ٹینس ان کو نئی زندگی شروع کرنے کے مشورے دیتے دکھائی دیتے ہیں۔