ثانیہ مرزا دوسری محبت کی تلاش میں ہیں؟

معروف بھارتی ٹینس اسٹار اور پاکستانی کرکٹر شعیب ملک کی سابقہ اہلیہ ثانیہ مرزا نے کہا ہے کہ انہیں دوسری محبت کی تلاش ہے۔

حال ہی میں ثانیہ مرزا نے نیٹ فلکس پر پیش کردہ انڈیا کے مشہور کامیڈی  پروگرام ’کپل شرما شو‘ میں شرکت کی۔ شو کے میزبان نے ثانیہ مرزا کو یاد دلایا کہ شاہ رخ خان نے ایک بار کہا تھا کہ اگر ثانیہ پر  کوئی فلم بنی تو وہ اس فلم میں ثانیہ کے ’لو انٹرسٹ‘ (پارٹنر) کا کردار ادا کریں گے۔

کپل شرما کی اس بات پر ثانیہ مرزا نے جواب دیا کہ ابھی مجھے پہلے ’لو انٹرسٹ‘ ڈھونڈنا ہے۔ ثانیہ کی اس بات سے ظاہر ہوتا ہے کہ انہیں پھر سے محبت کی تلاش ہے۔

واضح رہے کہ ثانیہ مرزا اور شعیب ملک نے 2010 میں پسند کی شادی کی تھی اور ان کا ایک بیٹا اذہان مرزا بھی ہے۔ شعیب ملک نے رواں برس جنوری میں اداکارہ ثنا جاوید سے شادی کرلی تھی جس کے بعد  ثانیہ مرزا اور شعیب ملک کے درمیان علیحدگی کی خبروں کی باقاعدہ تصدیق ہوگئی تھی۔