انگلش کاؤنٹی چیمپیئن شپ میں اسپنر شعیب بشیر کو ایک اوورز میں 38 رنز پڑگئے۔
مزید پڑھیں
انگلینڈ کی ڈومیسٹک کاؤنٹی چیمپئن شپ کے دوران سرے اور ووسٹر شائر کے درمیان کھیلے جارہے میچ میں سرے کے بلے باز ڈین لارنس نے ووسٹر شائر کے اسپنر شعیب بشیر کے ایک اوور میں 5 چھکے لگا دیے جس میں 4 چھکے اسٹریٹ جبکہ 5 واں چھکا مڈ وکٹ پر سلوگ سویپ کی صورت میں لگایا۔
ووسٹر شائر کے اسپنر شعیب بشیر نے ایک نو بال کی جس کے باعث 2 اضافی رنز بن گئے بعدازاں ایک وائڈ بال کی جو وکٹ کیپر سے مس ہوکر باؤنڈری لائن پر چلی گئی اور اضافی 5 رنز بن گئے۔
سرے کے ڈین لارنس نے پہلی اننگز کے 128ویں اوور سے قبل اپنی سینچری مکمل کی تھی۔
ڈین لارنس نے 223 گیندوں پر 175 رنز کی اننگز کھیلی جس میں 16 چوکے اور 6 چھکے شامل تھے۔
سرے کی ٹیم پہلی اننگز میں 490 رنز بنا کر آؤٹ ہوئی جواب میں ووسٹر شائر نے 7 وکٹوں کے نقصان پر 147 رنز بنائے ہیں جبکہ انہیں برتری ختم کرنے کے لیے مزید 343 رنز درکار ہیں۔
