بالی ووڈ اداکاروں نے ہندوستان کے علاوہ دنیا کے دیگر ممالک میں بھی بڑے بڑے گھر بنا رکھے ہیں جن میں امیتابھ بچن، شاہ رخ خان اور سلمان خان کے علاوہ دیگر اداکار بھی شامل ہیں جن کے وطن سے باہر کروڑوں روپے مالیت کے گھر ہیں۔
مزید پڑھیں
حال ہی میں سوشل میڈیا پر لندن میں واقع ایک گھر کی ویڈیو وائرل ہو رہی ہے جس کے بارے میں دعویٰ کیا جا رہا ہے کہ یہ بالی ووڈ کنگ شارخ خان کا گھر ہے جو کہ پارک لین لندن میں ہے، کہا جا رہا ہے کہ اس گھر کی قیمت تقریباً 200 ملین پاؤنڈز ہے جو کہ تقریباً 212 کروڑ بھارتی روپے بنتے ہیں۔ اور کسی بھی بالی ووڈ اسٹار نے بیرون ملک گھر خریدنے کے لیے اب تک کی سب سے زیادہ رقم ادا کی ہے۔
View this post on Instagram
ویڈیو پر صارفین کی جانب سے مختلف تبصرے کیے جا رہے ہیں کسی کا کہنا ہے ادھر شارخ خان کا صرف ایک فلیٹ ہے جو کہ زیریں منزل پر ہے جبکہ کئی صارفین کا کہنا تھا کہ اس کے علاوہ مے فیئر میں بھی وہ متعدد جائیدادوں کے مالک ہیں۔
واضح رہے کہ اس کے علاوہ شارخ خان اور بھی جائیدادوں کے مالک ہیں ان کا ممبئی کے پوش علاقے باندرہ میں واقع گھر اس وقت سب سے زیادہ مہنگا گھر ہے جس کی قیمت 200 کروڑ بھارتی روپے ہے۔ اداکار کا یہ گھر 6000 اسکوائر فٹ پر مشتمل ہے۔
یہی نہیں بلکہ شاہ رخ خان اور گوری خان نے دبئی کے مہنگے ترین علاقے پام جمیرہ میں ایک لگژری ہوم بنا رکھا ہے جو ساڑھے 8 ہزار مربع فٹ پر مشتمل ہے۔ یہ گھر 17کروڑ84 لاکھ روپے کا ہے۔
