حال ہی میں پاکستان ٹیلی وژن کے ایک پرانے شو کی ویڈیو وائرل ہوئی ہے جس میں ملک کے ایک نامور گلوکار اپنے فن کا جادو جگا رہے ہیں۔ گلوکار کی مدھر آواز تو لائق تحسین تھی ہی لیکن جس بات نے دیکھنے والوں کو چونکا دیا وہ ان کی بھارت کے مشہور اداکار اجے دیوگن سے بہت زیادہ مشابہت تھی۔
مزید پڑھیں
ہندوستانی اور پاکستانی شائقین دونوں کا خیال تھا کہ وہ گلوکار بالکل اجے دیوگن جیسے لگ رہے ہیں۔ کچھ شائقین کا کہنا تھا کہ اب تک اجے دیوگن کے جتنے بھی ہمشکل سامنے آئے ہیں یہ ان میں سب سے زیادہ شباہت رکھنے والے ہیں۔
وہ پاکستانی گلوکار کوئی معمولی شخصیت نہیں بلکہ پاکستان اور ہندوستان میں یکساں طور پر چاہے جانے والے مشہور زمانہ راحت فتح علی خان ہیں۔
جیسا کہ سب جانتے ہی ہیں کہ راحت فتح علی خان ایک مشہور اور باصلاحیت پاکستانی گلوکار ہیں جنہوں نے بہت سارے مقبول اور ہٹ گانے گائے ہیں جن میں بول نہ ہلکے ہلکے، مورے پیا، ضروری تھا، آفرین آفرین، حبیبی حبیبی اور دیگر شامل ہیں۔
حال ہی میں ان کا گانا دوست بن کے تقریباً تمام سوشل میڈیا پلیٹ فارمز پر وائرل ہوا۔ راحت فتح علی خان لیجنڈ نصرت فتح علی خان صاحب کے بھتیجے ہیں۔ انہوں نے اپنے کیریئر کا آغاز اپنے چچا کے ساتھ کیا اور پی ٹی وی کے لیے بہت سے گانے بھی گائے۔ انہوں نے بالی ووڈ کو بھی امر گیت دیے۔
ان کی ایک پرانی ویڈیو وائرل ہوئی تو انہیں دیکھ کر سب ہی ششدر رہ گئے اور انہیں اجے دیوگن سے مشابہ قرار دیا۔
View this post on Instagram
ایک سوشل میڈیا صارف نے لکھا کہ ’کوئی بھی ان کی عمر کے بارے میں بات نہیں کر رہا ہے، سب ہی ان کی اجے دیوگن سے مشابہت میں دلچسپی رکھتے ہیں‘۔
راحت فتح علی خان کے فین پیج کے ایڈمن نے پوسٹ میں اجے دیوگن اور راحت فتح علی خان دونوں کو ٹیگ کیا۔
