پاکستانی سپر اسٹار ماہرہ خان کو اپنی بولڈ تصاویر سوشل میڈیا پر شیئر کرنا مہنگا پڑ گیا، صارفین کی جانب سے ان پر خوب تنقید کی جا رہی ہے۔
ماہرہ خان ان دنوں اٹلی میں موجود ہیں جہاں کے دلکش مناظر سے لطف اندوز ہوتے ہوئے انہوں نے فوٹو اینڈ ویڈیو شیئرنگ ایپ انسٹاگرام پر چند تصاویر شیئر کیں جن میں اٹلی کے حسین سیاحتی مقام اور غروبِ آفتاب کے مناظر کو دیکھا جا سکتا ہے۔ اس کے علاوہ انہوں نے اپنی چند بولڈ تصاویر بھی پوسٹ کیں جس میں اداکارہ کے مغربی طرز کے ملبوسات مداحوں کو پسند نہ ئے کیونکہ وہ ان میں کافی بولڈ دکھ رہی ہیں۔
View this post on Instagram
مداحوں کو ماہرہ خان کا بولڈ انداز ایک آنکھ نہ بھایا اور اداکارہ کی تصاویر پر سوشل میڈیا صارفین ان پر شدید تنقید کرتے نظر آرہے ہیں۔ ایک صارف نے ان کو آڑے ہاتھوں لیتے ہوئے کہا کہ ماہرہ خان تو کہتی تھیں کہ ان کی نانی انہیں بغیر آستین کے لباس پہننے کی اجازت نہیں دیتی تھیں جبکہ ایک صارف نے کہا کہ ماہرہ خان بھارت میں شفٹ ہو گئی ہیں یا پھر انہوں نے اسلام چھوڑ دیا ہے۔
صارفین کا کہنا تھا کہ انہیں کبھی بھی ماہرہ خان سے اس طرح کے بولڈ لباس پہننے کی توقع نہیں تھی جبکہ کئی مداح ان کے حق میں سامنے آئے اور کہا کہ یہ ان کی زندگی ہے وہ جو مرضی کریں اور جیسا مرضی لباس پہنیں اس پر کسی کو تنقید کا حق نہیں ہے۔
واضح رہے کہ ان دنوں ماہرہ خان اپنی نیٹ فلکس سیریز ’جو بچے ہیں سنگ سمیٹ لو‘ کی شوٹنگ کے لیے اٹلی میں موجود ہیں۔
