اسلام آباد پولیس نے دارالحکومت کو بہت بڑی تباہی سے بچا لیا ہے، انٹیلیجنس بیسڈ آپریشن کے دوران تھانہ سنگجانی کے علاقے سے ہینڈ گرنیڈ، ڈیٹونیٹر اور خودکش جیکٹ کا سامان برآمد کرلیا ہے۔
مزید پڑھیں
اسلام آباد پولیس کے مطابق محرم الحرام کے دوران سیکیورٹی کے پیش نظر روزانہ کی بنیاد پر اسلام آباد میں انٹیلی جنس بیسڈ آپریشنز کیے جارہے ہیں، علاقہ تھانہ سنگجانی میں ایک آپریشن کے دوران کچھ ملزمان پولیس ٹیم کو دیکھ کر فائرنگ کرتے ہوئے فرار ہوگئے، پولیس نے علاقے کو گھیر میں لے کر ملزمان کی گرفتاری کے لیے سرچ آپریشن شروع کردیا ہے۔
اسلام آباد پولیس نے اسلام آباد کو بہت بڑی تباہی سے بچا لیا۔
انٹیلیجنس بیسڈ آپریشن کے دوران علاقہ تھانہ سنگجانی سے ہینڈ گرنیڈ ، ڈیٹونیٹر اور خودکش جیکٹ کا سامان برآمد۔
محرم الحرام کے دوران سیکورٹی کے پیش نظر روزانہ کی بنیاد پر اسلام آباد میں انٹیلیجنس بیسڈ آپریشنز کیے جارہے… pic.twitter.com/urJ2wezFxz
— Islamabad Police (@ICT_Police) July 2, 2024
ترجمان اسلام آباد پولیس کے مطابق بم ڈسپوزل اسکواڈ کو طلب کرکے بارودی مواد کو ناکارہ بنادیا گیا جبکہ تھانہ سی ٹی ڈی میں واقعے کی ایف آئی آر درج کردی گئی ہے۔
تھانہ شہزاد ٹاؤن میں پولیس افسران پر فائرنگ، 2 ملزمان گرفتار
دوسری جانب منگل کی اسلام آباد کے علاقے شہزاد ٹاؤن میں پولیس افسران پر فائرنگ کا واقعہ پیش آیا۔
ترجمان اسلام آباد پولیس کے مطابق اسلام آباد پولیس کی ٹیم معمول کی پیٹرولنگ اور اسنیپ چیکنگ پر تعینات تھی، تھانہ شہزاد ٹاؤن کی حدود میں 3 موٹر سائیکل سواروں کو مشکوک جانتے ہوئے پولیس نے چیکنگ کے لیے روکا تو ملزمان نے پولیس پر فائرنگ شروع کردی، پولیس نے 2 ملزمان کو پولیس نے گرفتار کرلیا جبکہ ایک ملزم فائرنگ کرتے ہوئے فرار ہوگیا۔
رات گئے علاقہ تھانہ شہزاد ٹاؤن میں پولیس افسران پر فائرنگ ۔
پولیس ٹیم معمول کی پٹرولنگ اور اسنیپ چیکنگ پر تعینات تھی۔تین موٹر سائیکل سواروں کو مشکوک جانتے ہوئے پولیس نے چیکنگ کےلیے روکا۔
دو ملزمان کو پولیس نے گرفتار کرلیا جبکہ ایک ملزم فائرنگ کرتے ہوئے فرار ہوگیا۔ساتھی ملزم کی…
— Islamabad Police (@ICT_Police) July 2, 2024
ملزم کی فائرنگ سے اس کے 2 ساتھی زخمی ہوگئے، جنہیں علاج کے لیے اسپتال منتقل کردیا گیا ہے۔
گرفتار ہونے والے ملزمان دہشت گردی سمیت متعدد مقدمات میں مطلوب تھے، فرار ہونے والے ملزم کی گرفتاری کے ٹیمیں تشکیل دے دی گئی ہیں۔