پنجاب حکومت پر مبینہ طور پر فنکاروں اور سوشل میڈیا انفلوئنسرز کو پیسے دے کر مسلم لیگ ن کی پروموشن کے لیے ویڈیوز بنوائے جانے کا انکشاف ہوا ہے جس پر سوشل میڈیا صارفین ان پر تنقید کرتے نظر آتے ہیں، صارفین کا کہنا ہے کہ معاوضے کے عوض ن لیگ کے حق میں تشہیری مہم چلائی جا رہی ہے۔ ایسے میں ن لیگی کارکنان بھی اپنی ہی جماعت کے خلاف بیان دیتے نظر آتے ہیں۔
مسلم لیگ ن کے سابق سوشل میڈیا ہیڈ عاطف رؤف نے حکومتی پالیسی کے خلاف سماجی رابطوں کی سائیٹ ایکس پر ایک پوسٹ کی جس میں ان کا کہنا تھا کہ مسلم لیگ ن عوام کو مطمئن نہیں کر پا رہی اس لیے انہیں شدید تنقید کا سامنا ہے۔
ان کا کہنا تھا کہ اس میں کوئی شک نہیں کہ مسلم لیگ ن سے زیادہ ڈیلیور کسی جماعت نے نہیں کیا اور نہ ہی کوئی کر سکتا ہے لیکن عوام کو مشکل فیصلوں کی نظر کرنے سے پہلے عوام کو اعتماد میں لے کر انہیں روڈ میپ دینا چاہیے۔
عاطف رؤف نے کہا کہ عوام کو اعتماد میں لیے بغیر مشکل فیصلے لینا مستقبل میں ن لیگ کے لیے بہت نقصان دہ ثابت ہو گا۔
اس میں کوئی شک نہیں کے مسلم لیگ ن سے زیادہ ڈلیور کسی نے نہیں کیا اور نہ کر سکتا ہے کوئی، لیکن مسلم لیگ ن مشکل فیصلہ کرتے ہوئے عوام کو مطمئن نہیں کر پا رہی اس لئے شدید تنقید کا سامنا ہے،
عوام کو مشکل فیصلوں کی نظر کرنے سے پہلے ہماری حکومت کو چاہئے عوام کو اعتماد میں لے ان کو ایک…
— Atif Rauf (@Atifrauf79) July 5, 2024
مسلم لیگ ن کے سابق سوشل میڈیا لیڈ کی پوسٹ پر صارفین کی جانب سے مختلف تبصرے کیے جا رہے ہیں ایک صارف نے کہا کہ سوشل میڈیا ہیڈ سے ہٹائے جانے کا آپ کو ذاتی طور پر یہ فائدہ ہوا ہے کہ آپ کی اپنی سوچ اور شخصیت پروان چڑھے گی۔
چلیں سوشل میڈیا ہیڈ سے ہٹائے جانے کا آپ کو ذاتی طور پر یہ فائدہ ہوا ہے کہ آپ کی اپنی سوچ اور شخصیت پروان چڑھے گی.
اچھی بات ہے @Atifrauf79 بھائی https://t.co/ONadcLatwP— Rashid J Sial (@Engr_Rashids) July 5, 2024
اللہ بخش لاشاری نامی صارف نے ن لیگ کی حمایت کرتے ہوئے لکھا کہ عمران خان نے ملک کی بنی بنائی عمارت گرا دی ہے اب اس کو دوبارہ بنانے میں ٹائم لگے گا، ان کا کہنا تھا کہ عوام یقین رکھے مسلم لیگ ن مہنگائی کو بھی نیچے لائے گی اور پاکستان میں میگا پراجیکٹس بھی لانچ کرے گی۔ صارف نے امید ظاہر کی کہ مسلم لیگ ن 2027 تک میں مہنگائی کی شرح میں کمی لے آئے گی۔
عمران نیازی نے بنی بنائی عمارت گرا دی ھے اب اس کو بنانے میں ٹائم لگے گا عوام یقین رکھے مسلم لیگ ن مہنگائی کو بھی نیچے لائے گی اور پاکستان میں میگا پراجیکٹس بھی لانچ کرے گی۔
امید ھے 2027 میں مہنگائی 2018 والی سطح پر آجائے گی— Allah Bakhsh Lashari (@ABLashariDGK) July 5, 2024
نورین کامران لکھتی ہیں کہ ن لیگ نے عوام پر ظالمانہ فیصلے مسلط کر دیے ہیں اور دہری مشکل کا شکار ہو گئی ہے۔ ان کا کہنا تھا کہ ایک طرف مہنگائی ہے اور دوسری طرف مخالفین کی تنقید اس کا ن لیگ کی سیاست کو بہت گہرا نقصان ہو چکا ہے۔
ن لیگ نے بس عوام پر ظالمانہ فیصلے مسلط کر دیے ہیں اور ن لیگی فی الحال دوہری مشکل میں ہے ایک طرف مہنگائی ہے اور دوسری طرف مخالفین کی تنقید ہے اس کا نقصان ن لیگ کی سیاست کو بہت گہرا ہو چکا ہے
— Noreen Kamran (@NoreenkamranBWN) July 5, 2024
ایک صارف نے لکھا کہ موجودہ حکومت تو خود کو بہت تجربہ کار کہتی تھی اور وہ واقعی تجربہ کار نکلی ہے، صارف نے ن لیگ پر تنقید کرتے ہوئے لکھا کہ تمام ریلیف پارلیمنٹیرین کو دے دیا گیا ہے اور عام عوام پر ضرورت سے زیادہ بوجھ ڈال کرایک ہی نعرہ لگایا جا رہا ہے کہ ہم نے پاکستان کو ڈیفالٹ ہونے سے بچا لیا ہے۔
بھائی جی موجودہ گورنمنٹ جو بڑی تجربہ کار بنتی تھی واقع ہی تجربہ کار نکلی تمام ریلیف پارلیمنٹیرین کے لیے اور تمام ضرورت سے زیادہ بوجھ عوام پر ڈال کر ایک ہی نعرہ لگایا جا رہا ہے کہ ہم نے پاکستان کو ڈیفالٹ ہونے سے بچا لیا
— Muhammad imran (@Muhamma99208941) July 5, 2024
واضح رہے کہ عاطف رؤف چند دن قبل ہی ن لیگ کی سوشل میڈیا ٹیم سے مستعفی ہوئے ہیں جس کی جگہ صفدر خان لغاری کو ن لیگ کی سوشل میڈیا ٹیم کا ہیڈ بنایا گیا ہے، صفدر خان لغاری پاکستان مسلم لیگ ن کے رکن قومی اسمبلی سردار اظہر لغاری کے صاحبزادے ہیں۔
