معروف اینکر پرسن عائشہ جہانزیب کو شوہر کی جانب سے مبینہ طور پر تشدد کا نشانہ بنایا گیا ہے، جس کی پاداش میں انہیں گرفتار کرلیا گیا۔
خاتون اینکر کا کہنا ہے کہ شوہر سے جھگڑا ہونے پر اس نے تشدد کا نشانہ بنایا ہے۔
یہ بھی پڑھیں نیوز اینکر اشفاق ستی کا اپنی اہلیہ پر بدترین تشدد :’ایک اور سارا انعام نہیں چاہیے‘
عائشہ جہانزیب نے شوہر کے خلاف مقدمہ درج کرایا ہے جس میں جان سے مار دینے کی دفعات بھی درج کی گئی ہیں۔
پولیس نے مقدمے کے اندراج کے بعد عائشہ جہانزیب کے شوہر کو گرفتار کرلیا ہے اور تفتیش شروع کردی ہے۔
وزیراعلیٰ پنجاب مریم نواز کا واقعہ کا نوٹس، رپورٹ طلب
دوسری جانب دوسری جانب وزیراعلیٰ پنجاب مریم نواز شریف نے اینکر عائشہ جہانزیب پر شوہر کی جانب سے تشدد کے واقعہ کا نوٹس لے کر آئی جی پنجاب سے رپورٹ طلب کرلی۔
مریم نواز نے عائشہ جہانزیب کو بہترین طبی سہولتیں فراہم کرنے کی ہدایت کرتے ہوئے کہا ہے کہ خواتین میری ریڈ لائن ہے، گھریلو یا ورکنگ ویمن پر کسی قسم کا تشدد برداشت نہیں کیا جائے گا۔
