ٹی وی میزبان عائشہ جہانزیب نے کہا ہے کہ انہیں اپنے شوہر کی ضمانت سے کوئی مسئلہ نہیں ہے۔
ٹی وی میزبان عائشہ جہانزیب میڈیا سے گفتگو اپنے شوہر سے تصفیے کے بارے میں بات کرتے ہوئے کہا ’سب سے پہلے میں ان تمام لوگوں کا شکریہ ادا کرنا چاہوں گی جنہوں نے اس معاملے میں ہمارا ساتھ دیا، ہمارے بزرگ ایک سمجھوتے پر پہنچے ہیں جس پر میں اپنے بچوں کے مستقبل کی خاطر راضی ہوں۔‘
یہ بھی پڑھیں : شوہر سے صلح کی خبر کے بعد عائشہ جہانزیب کا نیا بیان سامنے آگیا
عائشہ جہانزیب نے کہا کہ ہمارے بڑوں کے درمیان ہونے والے معاہدے کے مطابق مجھے حارث علی کی ضمانت سے کوئی مسئلہ نہیں ہے۔
یاد رہے کہ عائشہ جہانزیب نے اپنے وکیل کے ہمراہ لاہور کی سیشن عدالت میں پیش ہوکر بیان قلمبند کروایا تھا کہ ان کا شوہر حارث علی سے راضی نامہ ہوگیا ہے۔
انہوں نے عدالت میں بیان دیا تھا کہ جو بھی ہوا، بہت ظلم ہے جو کسی عورت کے ساتھ نہیں ہونا چاہیے، لیکن معززین نے جو بھی فیصلہ کیا، میں اس کو مانتی ہوں، ان کا شوہر کے ساتھ راضی نامہ ہوگیا ہے۔
یہ بھی پڑھیں : گھریلو تشدد کا نشانہ بننے والی عائشہ جہانزیب کی شوہر سے صلح
نجی ٹی وی کے مطابق عائشہ جہانزیب نے شوہر سے صلح کی خبروں کی تردید کردی ہے، نجی ٹی وی کا دعوی ہے کہ عائشہ جہانزیب نے بتایا کہ وہ اپنے بچوں کو عدالتوں کے چکر نہیں لگوانا چاہتی، پیر کو عدالت میں خلع فائل کریں گی، بچے ان ہی کے پاس رہیں گے۔
