گوگل نے پکسل 11 سیریز متعارف کرا دی، ڈیزائن اور خصوصیات میں بڑی تبدیلیاں

گوگل نے اپنی نئی فلیگ شپ پکسل 11 سیریز متعارف کرا دی ہے، جس میں پکسل 11، پکسل 11 پرو، پکسل 11 پرو ایکس ایل اور پکسل 11 پرو فولڈ شامل ہیں۔

نئی سیریز میں ڈیزائن، پائیداری، اسٹوریج اور دیگر خصوصیات میں نمایاں بہتری کی گئی ہے۔ گوگل کے مطابق معیاری پکسل 11 میں کیمرا بار کو سابقہ ماڈل کے مقابلے میں 40 فیصد سے زیادہ پتلا کیا گیا ہے۔

یہ بھی پڑھیں: گوگل پکسل 10 سیریز کی لانچنگ سے پہلے قیمتیں اور فیچرز لیک

نئے فون کے ڈیزائن میں بھی تبدیلی کی گئی ہے اور گزشتہ ماڈلز کے مقابلے میں فون کی پوری چوڑائی پر پھیلی شیشے کی سطح متعارف کرائی گئی ہے۔

پکسل 11 کی بنیادی اسٹوریج 256 جی بی سے شروع ہوگی، جو گزشتہ ماڈل میں موجود 128 جی بی کی بنیادی اسٹوریج کے مقابلے میں دوگنی ہے۔ اس اضافے سے صارفین کو تصاویر، ویڈیوز اور دیگر فائلوں کے لیے زیادہ جگہ دستیاب ہوگی۔

پکسل 11 کی قیمت

پکسل 11 کی ابتدائی قیمت 899 ڈالر مقرر کی گئی ہے، جو پکسل 10 کے مقابلے میں 100 ڈالر زیادہ ہے۔

فون فراسٹ، ہبسکس، پستاشیو اور آبسیڈین رنگوں میں دستیاب ہوگا۔

پکسل 11 پرو کی خصوصیات

پکسل 11 پرو میں 6.3 انچ ایل ٹی پی او او ایل ای ڈی ڈسپلے دیا گیا ہے، جس کی ریفریش ریٹ 120 ہرٹز ہے۔

فون میں 4,850 ایم اے ایچ کی بیٹری دی گئی ہے۔ نئی ڈسپلے ٹیکنالوجی اور دیگر خصوصیات کے باعث یہ فون آئی فون 17 پرو اور گلیکسی ایس 26 کا براہ راست حریف تصور کیا جا رہا ہے۔

پکسل 11 پرو ایکس ایل میں پائیداری پر توجہ

پکسل 11 پرو ایکس ایل میں 6.8 انچ کا ایل ٹی پی او او ایل ای ڈی ڈسپلے دیا گیا ہے، جس کی ریفریش ریٹ 120 ہرٹز ہے، جبکہ اس میں 5,115 ایم اے ایچ کی بیٹری موجود ہے۔

یہ بھی پڑھیں: گوگل کی بڑی تقریب رونمائی، پکسل 11 سیریز سمیت کئی نئی مصنوعات متوقع

نئے ماڈل کی پائیداری بہتر بنانے کے لیے بھی متعدد تبدیلیاں کی گئی ہیں۔ گوگل کے مطابق نئی حفاظتی تہہ پکسل 10 پرو ماڈلز کے مقابلے میں خراشوں کے خلاف دو گنا سے زیادہ مزاحمت فراہم کرتی ہے۔

پکسل 11 پرو ایکس ایل کی قیمت

پکسل 11 پرو ایکس ایل کی ابتدائی قیمت 1,099 ڈالر مقرر کی گئی ہے۔ یہ کینیون، فوگ، اولیو اور آبسیڈین رنگوں میں دستیاب ہوگا، جبکہ آبسیڈین رنگ کے ماڈل میں مکمل میٹ فنش دی گئی ہے۔