بانی پی ٹی آئی عمران خان نے 9 مئی کے 12 مقدمات میں ضمانت کے لیے انسدادِ دہشت گردی عدالت لاہور سے رجوع کرلیا ہے۔ بانی پی ٹی نے اپنے وکیل سلمان صفدر کے ذریعے انسدادِ دہشتگردی عدالت میں درخواستیں دائر کر دیں۔
مزید پڑھیں:9 مئی میں جو بھی ملوث ہے اس کیخلاف کارروائی ہونی چاہیے، فیصل کریم کنڈی
درخواستوں میں مؤقف اختیار کیا گیا ہے کہ بانی پی ٹی آئی تمام مقدمات میں جوڈیشل ریمانڈ پر ہیں، ان سے کسی قسم کی کوئی ریکوری نہیں ہونی۔ پولیس کیسز بدنیتی پر مبنی ہیں، انتقام کا نشانہ بنایا جا رہا ہے۔ انسدادِ دہشتگردی عدالت سے استدعا کی گئی ہے کہ ضمانتیں بعد از گرفتاری منظورکی جائیں۔
واضح رہے کہ بانی پی ٹی آئی نے جناح ہاؤس حملہ کیس، عسکری ٹاور جلاؤ گھیراؤسمیت 9 مئی کے دیگر مقدمات میں ضمانت کی استدعا کی ہے۔
