ایشین انڈر 18 والی بال چیمپیئن شپ میں پاکستان کی کامیابیوں کا سلسلہ جاری ہے اور ٹیم نے مسلسل تیسری فتح حاصل کرلی۔
ایشین انڈر 18 والی بال چیمپیئن شپ بحرین میں کھیلی جارہی ہے جہاں پاکستانی ٹیم نے پول ڈی کے آخری میچ میں کویت کو 0-3 سے ہرا دیا۔
یہ بھی پڑھیں ایشین انڈر 18 والی بال چیمپیئن شپ: پاکستان کی روایتی حریف بھارت کو 0-3 سے شکست
پاکستان نے مسلسل 3 فتوحات کے ساتھ ٹاپ 8 راؤنڈ کھیلنے کے لیے کوالیفائی کرلیا، جہاں قومی ٹیم گروپ ایف میں شامل ہوگی، جبکہ مقابلہ جاپان اور چائینیز تائپے سے ہوگا۔
مسلسل ناقابل شکست رہنے کی وجہ سے پاکستانی ٹیم کیری فارورڈ پوائنٹ کے ساتھ اگلے راؤنڈ میں جائے گی۔
اب قومی ٹیم کا یکم اگست کو ٹاپ 8 میں چائنیز تائپے سے مقابلہ ہوگا، جبکہ 2 اگست کو جاپان سے مقابلہ کرے گی۔
