وفاقی وزیر داخلہ محسن نقوی نے پی ٹی آئی کی جانب سے مذاکرات کی خواہش پر کہا کہ یہ تو اللہ کو پتا ہے بانی پی ٹی آئی کس سے مذاکرات کریں گے اور کس سے نہیں۔
یہ بھی پڑھیں:وزیر داخلہ کا جماعت اسلامی کی قیادت سے رابطہ، حکومت سنجیدگی سے مذاکرات چاہتی ہے، محسن نقوی
آئی پی پیز کے حوالے سے میں نے وزیراعظم کو ساری چیزیں پہنچادی ہیں
اسلام آباد میں میڈیا سے گفتگو کرتے ہوئے محسن نقوی کا کہنا تھا کہ آئی پی پیز کے حوالے سے میں نے وزیراعظم کو ساری چیزیں پہنچادی ہیں۔ وزیراعظم نے وزارت توانائی سے ساری چیزوں پر بات کرلی ہے، ہم پوری طرح ایڈریس کرنے کی کوشش کررہے ہیں۔
انہوں نے بلوچستان میں جاری احتجاج کے حوالے سے کہا کہ بلوچستان میں دھرنا چل رہا ہے، یہ صوبائی سبجیکٹ بن چکا ہے۔ چاہے کوئی بھی صوبہ ہو ہم نے مدد کرنی ہے، صوبہ خود مختار ہے کہ اس نے کیا حکمت عملی دکھانی ہے۔
سیاسی طور پر کسی کو پریشانی کی ضرورت نہیں
انہوں نے کہا ہم سکیورٹی کے حوالے سے پوری ذمہ داری ادا کررہے ہیں، سیاسی طور پر کسی کو پریشانی کی ضرورت نہیں،سب چیزیں مستحکم ہیں۔
یہ بھی پڑھیں:چیئرمین پی سی بی محسن نقوی نے سابق کپتان سرفراز احمد کو لاہور بلا لیا
وفاقی وزیرداخلہ محسن نقوی کا کہنا تھا کہ جس طرح وزیراعظم کام کررہے ہیں ہم سب ایسے ہی محنت سے کام کریں گے۔
پی ٹی آئی کے مذاکرات کے حوالے سے سوال پر ان کا کہنا تھا کہ یہ تو اللہ کو پتا ہے بانی پی ٹی آئی کس سے مذاکرات کریں گے اور کس سے نہیں۔
حکومت نے ہی پارا چنار میں سیز فائر کرایا
محسن نقوی کے مطابق حکومت نے ہی پارا چنار میں سیز فائر کرایا ہے، پارا چنار میں زمین کے معاملے پر لڑائی شروع ہوئی، گورنمنٹ نے ہی دونوں گروپس کو میز پر بٹھایا اور مذاکرات کرائے، پاراچنا ر میں عجیب سی صورتحال بنی تھی جس کو ہینڈل کیا ہے۔
