حکومت نے آئندہ 15 روز کے لیے پیٹرولیم مصنوعات کی قیمتیں برقرار رکھنے کا اعلان کیا ہے۔
وفاقی وزیر خزانہ اسحاق ڈار نے کہا کہ پیٹرولیم مصنوعات کی قیمتیں 15 اپریل تک برقرار رہیں گی۔
اسحاق ڈار نے بتایا کہ پیٹرول فی لیٹر 272 روپے میں فروخت ہوگا جبکہ ہائی اسپیڈ ڈیزل کی قیمت 293 روپے فی لیٹر برقرار رہے گی۔
اس کے علاوہ مٹی کے تیل کی قیمت میں 10 روپے کمی کی گئی ہے جس کے بعد اس کی نئی قیمت 180 روپے 29 پیسے ہوگی جبکہ لائٹ ڈیزل آئل 10 روپے سستا ہوکر 174 روپے 68 پیسے کا ہوگیا ہے۔
واضح رہے کہ کچھ روز سے میڈیا پر یہ خبریں گردش کررہی تھیں کہ یکم اپریل سے پیٹرولیم مصنوعات کی قیمتوں میں کمی کا امکان ہے مگر حکومت نے قیمتیں برقرار رکھنے کا اعلان کردیا ہے۔
