چیئرمین تحریک انصاف عمران خان کی اہلیہ بشریٰ بی بی نے نیب طلبی کے نوٹس اسلام آباد ہائیکورٹ میں چیلنج کر دیے۔
بشریٰ بی بی نے اسلام آباد ہائیکورٹ میں دائر درخواست میں استدعا کی ہے کہ نیب کے 16 اور 17 فروری کے نوٹس غیر قانونی دیے جائیں۔
درخواست میں کہا گیا کہ فیصلہ آنے تک نیب تحقیقات کو تفتیش میں تبدیل کرنے سے روکا جائے اور تادیبی کارروائی سے روکنے کا حکم دیا جائے۔
بشریٰ بی بی کی درخواست میں نیب کو فریق بنایا گیا ہے۔
اس سے قبل سابق وزیر اعظم عمران خان بھی توشہ خانہ تحائف سے متعلق نیب کی تحقیقات اسلام آباد ہائیکورٹ میں چیلینج کر چکے ہیں۔
یاد رہے کہ نیب نے سابق وزیر اعظم عمران خان اور ان کی اہلیہ بشری بی بی کو 21مارچ کو طلب کیا تھا تاہم دونوں نیب میں پیش نہیں ہوئے۔
