وفاقی دارالحکومت اسلام آباد میں 14 اگست کی آمد سے قبل باجوں کی خرید و فروخت اور اسٹاک کرنے پر پابندی عائد کردی گئی۔
ضلعی انتظامیہ نے 10 روز کے لیے دفعہ 144 کا نفاذ کرتے ہوئے شہریوں سے درخواست کی ہے کہ وہ باجوں کے استعمال سے اجتناب کریں۔
یہ بھی پڑھیں ’100 روپے کا پودا یا 500 روپے کا باجا؟‘، رمضان چھیپا کی ویڈیو سوشل میڈیا پر وائرل
ڈپٹی کمشنر اسلام آباد نے تمام اسسٹنٹ کمشنرز کو احکامات دیے ہیں کہ اسٹالز پر بکنے والے باجے قبضے میں لیے جائیں۔
ڈپٹی کمشنر عرفان نواز میمن نے کہاکہ مختلف اسٹالز پر باجوں کی فروخت کھلے عام جاری ہے، اسٹال مالکان اپنے پاس باجوں کی فروخت بند کریں۔
انہوں نے کہاکہ باجے کا استعمال یا بیچنے والے کے خلاف قانونی کارروائی ہوگی۔
