پیرس اولمپکس 2024 میں گولڈ میڈل جیتنے والے جیولن پھینکنے والے ارشد ندیم سے ملاقات کے لیے وزیراعلیٰ پنجاب مریم نواز آج بذریعہ ہیلی کاپٹر میاں چنوں پہنچیں۔ انہوں نے ارشد ندیم کو کامیابی پر مبارکباد دی اور گولڈ میڈل جیتنے پر 10 کروڑ روپے کی انعامی رقم دی۔ اسی کے ساتھ انہوں نے ‘PAK 92.97’ کی نمبر پلیٹ والی گاڑی ارشد ندیم کے نام کی۔
ارشد ندیم کو دی جانے والی گاڑی کی نمبر پلیٹ پر صارفین کی جانب سے مختلف تبصرے کیے جا رہے ہیں۔ ایک صارف کا کہنا تھا کہ مریم نواز نے ارشد ندیم کو گاڑی کا جو تحفہ دیا اس کا رجسٹریشن نمبر 92.97 ہے لیکن اگر اس پر فارم 47 لکھا ہوتا تو مزہ دوبالا ہو جاتا۔
مریم نواز نے ارشد ندیم کو گاڑی کا تحفہ دیا جسکا رجسٹریشن نمبر 92.97 ہے، چیسس نمبر پر فارم 47 لکھا ہوتا تو مزہ دوبالا ہو جاتا۔
— 🇦🇪🇵🇰خان (@BaatYeHai) August 13, 2024
صوبائی وزیر اطلاعات پنجاب عظمیٰ بخاری نے سماجی رابطوں کی سائٹ ایکس پر اپنے ٹوئٹ میں کہا کہ ہیروز کو عزت ایسے دی جاتی ہے، مریم نواز خود چل کر ارشد ندیم کے گھر گئیں اور انہیں انعامی رقم کے ساتھ ایک گاڑی بھی گفٹ کی جس کا نمبر92.97 ہے۔
ساتھ ہی انہوں نے پی ٹی آئی کو آڑے ہاتھوں لیتے ہوئے کہا کہ کیا اس شخصیت پرست گروہ میں سے کوئی ارشد ندیم کے پاس پہنچا؟ یا ان کی حکومت نے کسی انعام کا اعلان کیا؟
ہیروز کو عزت ایسے دی جاتی ہے
مریم بی بی خود چل کر “ارشد ندیم” کے گھر گئی اسے انعام کی رقم کے ساتھ ساتھ ایک گاڑی بھی گفٹ کی جسکا نمبر 92.97 ہے۔
اس شخصیت پرست گروہ میں سے کوئی “ارشد ندیم” کے پاس پہنچا؟ یا انکی حکومت نے کسی انعام کا اعلان کیا؟ pic.twitter.com/brF9JIJSI4— Azma Zahid Bokhari (@AzmaBokhariPMLN) August 13, 2024
مقدس نامی صارف نے وزیراعلیٰ پنجاب مریم نواز کی جانب سے ارشد ندیم کو اسپیشل نمبر پلیٹ والی گاڑی تحفے میں دیے جانے پر تبصرہ کرتے ہوئے لکھا کہ ارشد ندیم کو اس سے اچھا تحفہ شاید ہی کسی نے دیا ہو۔
ارشد ندیم کو اس سے اچھا تحفہ شاید ہی کسی نے دیا ہو
وزیراعلیٰ مریم نواز کی جانب سے فخر پاکستان ارشد ندیم کو تحفے میں دی گاڑی کا نمبر PAK 92.97 الاٹ کیا گیا 🇵🇰👏 pic.twitter.com/Hgf2uvXgQD
— Muqaddas (@Muqaddaskhan86) August 13, 2024
ایک ایکس صارف کا کہنا تھا کہ ارشد ندیم کو اس نمبر پلیٹ کی گاڑی دینے کا مشورہ دینے والا بھی ایک گولڈ میڈل کا مستحق ہے
ارشد ندیم کو اس نمبر پلیٹ کی گاڑی دینے کا مشورہ دینے والا بھی ایک گولڈ میڈل Deserve کرتا ۔۔۔ بھٸی مریم ٹیم میں ایک مغز والا بندہ نکل آیا بدھاٸیاں 🥳 pic.twitter.com/SdSXWJLYOa
— Ashi Bukhari 🇵🇰 (@BukhariAshii5) August 13, 2024
واضح رہے کہ جیولن تھرو ایونٹ میں قومی ایتھلیٹ ارشد ندیم نے اولمپکس میں 92.97 میٹر طویل تھرو کر کے نیا ریکارڈ بنایا اور شاندار تھرو کر کے اولمپکس کا 118 سالہ ریکارڈ توڑا۔ انہوں نے دو مرتبہ ریکارڈ بنایا۔ ان کی ایک تھرو 92.97 میٹر جبکہ دوسری 91.79 میٹر کے فاصلے تک گئی۔ یوں انھوں نے 2008 میں بنایا گیا 90.57 میٹر کا اولمپک ریکارڈ توڑ دیا۔
