بلوم برگ کی رپورٹ کے مطابق پاکستان میں گھروں کے کرائے سے زیادہ بجلی کے بل آتے ہیں، بڑی تعداد میں پاکستانی کرائے سے زیادہ بجلی کے بلوں پر خرچ کررہے ہیں۔ تاہم، ایشیا میں سب سے زیادہ مہنگائی پاکستان میں ریکارڈ کی جارہی ہے۔
بلوم برگ نے پاکستانی معیشت اور بڑھتی مہنگائی کے حوالے سے ایک رپورٹ شائع کی ہے جس میں بتایا گیا ہے کہ پاکستان میں آئی ایم ایف پروگرام کے لیے بجلی کی قیمتوں میں اضافہ کیا گیا جس کی وجہ سے جولائی کے مہینے میں 18فیصد بجلی مہنگی ہوئی۔ ٹیرف میں اضافے اور دیگر اصلاحات نے ملک گیر احتجاج کو جنم دیا ہے۔
مزید پڑھیں: کمرشل، زرعی اور بڑے صارفین کے لیے بجلی مہنگی، صنعتی صارفین کا بنیادی ٹیرف برقرار
بلوم برگ کے مطابق حکومت کو آئی ایم ایف کے قرضے حاصل کرنے کے لیے توانائی کی قیمتوں میں اضافہ کرنا پڑا ہے، جنوبی ایشیائی ملک جہاں تقریباً نصف آبادی یومیہ 4 ڈالر سے کم پر زندہ رہتی ہے، نے 2021 سے بجلی کی قیمتوں میں 155 فیصد اضافہ دیکھا ہے۔
بلوم برگ نے بتایا کہ پاکستان آئی ایم ایف سے 7 ارب ڈالر کا قرض پروگرام لینا چاہتا ہے، جس کی وجہ سے پاکستان میں 2021 سے اب تک بجلی 155 فیصد مہنگی ہوئی ہے۔ حکومت نے بین الاقوامی مالیاتی فنڈ سے قرضے حاصل کرنے کے اپنے امکانات کو تقویت دینے کے لیے صنعتی اور خوردہ نرخوں میں اضافہ بھی کرنا شروع کیا ہے۔
یہ بھی پڑھیں: چند دنوں میں قوم کو بجلی کی قیمتوں میں کمی کی خوشخبری ملے گی، وزیر اعظم شہباز شریف
رپورٹ میں کہا گیا ہے کہ بجلی کے بل عوام کے لیے سب سے بڑی اذیت ہیں، پاکستان میں مہنگائی ایشیائی ملکوں میں سب سے زیادہ ہے، پاکستان میں مہنگائی بڑھنے کی شرح 12 فیصد ہے۔
بلوم برگ کا کہنا ہے کہ اس دوران پاکستان میں شمسی توانائی کے استعمال میں بھی اضافہ دیکھنے میں آیا ہے۔
