پاکستان کرکٹ بورڈ ( پی سی بی ) نے پاکستان اور بنگلہ دیش کے درمیان 21 اگست سے راولپنڈی میں شروع ہونے والے پہلے ٹیسٹ کرکٹ میچ کے لیے اپنی پلیئنگ الیون کا اعلان کر دیا ہے۔
یہ بھی پڑھیں:بنگلہ دیش کی ٹیم اسلام آباد پہنچ گئی، پاکستان شاہینز سے کب اور کہاں ٹکرائے گی؟
پی سی بی کی جانب سے پیر کو کیے گئے اعلان کے مطابق شان مسعود پہلی بار ہوم سیریز میں قومی کرکٹ ٹیم کی قیادت کریں گے۔ شان مسعود کے علاوہ سعود شکیل، عبداللہ شفیق اور بابر اعظم بھی اسکواڈ میں شامل ہیں جنہیں بیٹنگ لائن اپ کو مضبوط کرنے کے لیے شامل کیا گیا ہے۔
🚨 Pakistan’s playing XI for the first Test 🚨#PAKvBAN | #TestOnHai pic.twitter.com/2Q94RZStPB
— Pakistan Cricket (@TheRealPCB) August 19, 2024
قومی کرکٹ اسکواڈ میں ایک مضبوط بولنگ اٹیک ہوگا جس میں چار فاسٹ بولرز کو شامل کیا گیاہے، ٹیم کے فاسٹ بولنگ اٹیک کی قیادت شاہین شاہ آفریدی کریں گے جبکہ محمد علی، نسیم شاہ اور ابھرتے ہوئے اسٹار خرم شہزاد فاسٹ بولر ہوں گے، حارث رؤف پہلے ٹیسٹ میچ میں ٹیم کا حصہ نہیں ہیں۔
مزید پڑھیں:بنگلہ دیش اے کیخلاف 4 روزہ میچ میں قومی ٹیم کے کونسے سینیئر کھلاڑی پاکستان شاہینز کا حصہ ہوں گے؟
وکٹ کیپر بیٹسمین محمد رضوان کو بھی ٹیم میں شامل کیا گیا ہے جبکہ آل راؤنڈر سلمان آغا واحد اسپنر ہوں گے۔ واضح رہے کہ پاکستان کرکٹ ٹیم کے ہیڈ کوچ کی حیثیت سے جیسن گلیسپی کا یہ پہلا میچ ہوگا۔
یہ بھی پڑھیں: ایشین کرکٹ کونسل کی سربراہی پاکستان کو منتقل، محسن نقوی ایک اور اہم عہدہ سنبھالنے کے قریب
پاکستان پلیئنگ الیون
پاکستان پلیئنگ الیون میں شان مسعود (کپتان)، سعود شکیل (نائب کپتان)، عبداللہ شفیق، بابر اعظم، خرم شہزاد، محمد علی، محمد رضوان (وکٹ کیپر)، نسیم شاہ، صائم ایوب، سلمان علی آغا اور شاہین شاہ آفریدی شامل ہیں۔
