اشیائے خور و نوش میں ملاوٹ کا شرمناک کام عرصہ دراز سے جاری ہے جو صنعتی اور انفرادی سطح پر پروان چڑھ رہا ہے۔ پورے ملک کے بازار اور مارکیٹیں ملاوٹ شدہ اور جعلی اشیا سے بھری پڑی ہیں۔ دودھ، دہی، مصالحے، تیل، گھی اور گوشت سے لے کر کھانے پینے کی تیار اشیا تک شاید ہی کوئی چیز ملاوٹ شدہ نہ ہو۔
مارکیٹوں میں ایسی مصنوعات کی بھرمار ہے جس میں ایک عام صارف کو علم ہی نہیں ہوتا کہ جو چیز وہ خرید رہا ہے وہ اصل ہے یا جعلی اور کیا اس میں ملاوٹ شدہ اجزا تو شامل نہیں ہیں۔
ایسی ہی ایک ویڈیو سوشل میڈیا پر وائرل ہو رہی ہے جس میں کالی مرچ کی جگہ چونے کے چھوٹے چھوٹے بالز بنا کر گرم مصالحے میں ملا دیے گئے ہیں جوبظاہر ہو بہو کالی مرچ جیسے لگ رہے ہیں، ویڈیو سوشل میڈیا پر وائرل ہوئی تو صارفین کی جانب سے اس پر مختلف ردعمل دیا گیا۔
توبہ توبہ یہ دیکھ لو چونا کے چھوٹے چھوٹے بالز بنا کر کالا رنگ دیا گیا ہے اور گرم مصالحہ میں کالی مرچ کی جگہ مکس کیا گیا ہے pic.twitter.com/uixciY3DHE
— Kissan Pakistan (@kissan_pakistan) August 25, 2024
ہشام انعام مروت کا کہنا تھا کہ پاکستان میں عوام ہی عوام کو کالی مرچ بیچ کر چونا کھلاتی ہے اور جب سیاستدان چونا لگاتے ہیں تو ان کو اعتراض ہوتا ہے۔ انہوں نے عوام پر تنقید کرتے ہوئے کہا کہ خود جیسے بھی ہوں لیکن ان کو حکمران عمر فاروقؓ جیسا اور نظام مدینہ کی ریاست والا درکار ہوتا ہے۔ صارف کا مزید کہنا تھا کہ جیسی عوام ہے ان پر ویسا ہی حکمران مسلط ہو گا۔
میری عوام میری ہی عوام کو کالی مرچ بیچ کر چونا کھلاتی ہے اور جب سیاستدان ان کو چونا لگاتے ہیں تو ان کو اعتراض ہوتا ہے۔ خود جیسے بھی ہوں لیکن ان کو عمر فاروقؓ جیسا حکمران اور مدینہ کی ریاست والا نظام درکار ہوتا ہے۔ بھائی، جیسے تم ہو، ویسے ہی تم پر حکمران مسلط ہو گا! https://t.co/wzQ50XIzju
— Dr. Hisham Inam Marwat (@hiktweets) August 25, 2024
وقاص نیازی نے تنقید کرتے ہوئے کہا کہ اس قوم نے کیا ترقی کرنی ہے جس کا مقصد ہی صرف لوگوں کو لوٹنا اور دھوکا دینا ہے اور پھر کہتے ہیں کہ حکمران چور ہیں۔
اس قوم نے کیا ترقی کرنی ہے جس کا مقصد ہی صرف لوگوں کو لوٹنا ہے لوگوں کو دھوکہ دینا ہے پھر بعد میں کہتے ہیں کہ حکمران چور ہیں
— M Waqas Niazi 2.0 (@1wqas_) August 25, 2024
ایک ایکس صارف کا کہنا تھا کہ حکمرانوں سے زیادہ پاکستان کی عوام چور ہے۔
حکمرانوں سے زیادہ پاکستان کی عوام چور ہے اور عوام میں سب شامل ہیں ۔ 😡
— گڑیا صدیقی (@kooldjrian2) August 25, 2024
سعدی رحمان نے لکھا کہ ملاوٹ کرنے والے بے حس لوگوں کے اندر خوفِ خدا نام کی کوئی شے نہیں اور ہماری حکومت بھی ان ظالموں کے خلاف کوئی ایکشن نہیں لیتی بلکہ آنکھیں بند کیے بیٹھی ہے۔
ان بے حسوں کے اندر خوف خدا نام کی کوئی شے نہیں اور دوسرے ہماری حکومتیں ان ظالموں کی جانب آنکھ بند کئے بیٹھی ہیں۔
— Sa'adi Rahman (@RahmanSaadi) August 25, 2024
