25 اور 26 اگست 2024 کو بلوچستان کے مختلف علاقوں میں دہشتگرد حملوں کے دوران بہادری سے لڑتے ہوئے جامِ شہادت نوش کرنے والے کیپٹن محمد علی قریشی شہید (عمر29سال، ساکن ضلع لاہور)، نائیک عطا اللہ شہید (عمر27سال، ساکن ضلع مردان)، سپاہی محمد سلیم شہید (عمر 26 سال، ساکن ضلع میانوالی) اور سپاہی محمد یاسر بشیر شہید (عمر26 سال، ساکن ضلع ملتان) مکمل فوجی اعزاز کے ساتھ آبائی علاقوں میں سپردِ خاک کردیا گیا ہے۔
آئی ایس پی آر کے مطابق کیپٹن محمد علی قریشی کی نماز جنازہ میں کور کمانڈر لاہور نے شرکت کی جبکہ دیگر شہدا کی نمازِ جنازہ اور تدفین میں پاک فوج کے سینئر افسران، جوانوں، شہدا کے لواحقین اور عمائدین علاقہ کی بڑی تعداد نے شرکت کی۔
مزید پڑھیں:بلوچستان میں دہشتگردانہ کارروائیاں: ایران اور ترکیہ کی مذمت
پاکستان کی سیکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔ ہمارےشہدا کی یہ عظیم قربانیاں کسی صورت رائیگاں نہیں جائیں گی۔
واضح رہے کہ بلوچستان کے مختلف علاقوں میں دہشتگردوں کے ساتھ مردانہ وار لڑتے ہوئے جام شہادت نوش کرنے والے سیکیورٹی اہلکاروں کی نماز جنازہ گزتہ روز ایف سی ہیڈکوارٹرز کوئٹہ میں ادا کردی گئی تھی۔
مزید پڑھیں:بلوچستان میں دہشتگردانہ حملوں پر بھارتی میڈیا کا مذموم پروپیگنڈا اور انتہائی شرم ناک کردار
آئی ایس پی آر کےمطابق نماز جنازہ میں وزیر اعلیٰ بلوچستان سرفراز بگٹی، کور کمانڈر بلوچستان، آئی جی ایف سی بلوچستان (نارتھ)، آئی جی پولیس بلوچستان و دیگر سول و ملٹری حکام نے شرکت کی تھی۔ نماز جنازہ کے بعد شہدا کے جسد خاکی آبائی علاقوں کوروانہ کر دیئے گئے تھے۔
