مسلم لیگ ن کے رہنما کیپٹین ریٹائرڈ صفدر نے کہا ہے کہ اگر نواز شریف کی حکومت کو 2017 میں پاناما کے غدار جج ختم نہ کرتے تو آج ملک ایشین ٹائیگر بن جاتا۔
یہ بھی پڑھیں:کیپٹن صفدر نے پی ٹی آئی حامی کو گلے لگا لیا،ویڈیو وائرل
انہوں نے نواز شریف کو مخاطب کرکے سپریم کورٹ کے سابق چیف جسٹس آصف سعید کھوسہ اور ثاقب نثار کے علاوہ جسٹس اعجاز افضل، جسٹس گلزار احمد، جسٹس اعجازالاحسن کے احتساب کرنے کا مطالبہ کیا اور کہا کہ یہ غدار جج ہیں، اگر آپ ان کا احتساب نہیں کریں گے تو قوم آپ کو معاف نہیں کرے گی۔
https://x.com/MurtazaViews/status/1828759729017164155
ثاقب نثار انتقال کرگئے تو کیا ہوگا؟
کیپٹن ریٹائرڈ صدر نے کہا کہ اگر کل ثاقب نثار انتقال کرگئے تو کیا فائدہ، ہم ان کی نماز جنازہ نہیں پڑھ سکیں گے، اگر ہم ان کی نماز جنازہ پڑھ لیں تو خدا انہیں بخشے یا نہ بخشے یہ خدا کی مرضی ہے، مگر دنیا کہتی ہے کہ ثاقب نثار اور دیگر 5 ججوں کو سزا دو۔
یہ بھی پڑھیں:مریم نواز کے وزیراعلیٰ پنجاب انتخاب پر کیپٹن صفدر نے کیاکہا؟
انہوں نے کہا، ’ہمارا دل کرتا ہے جسٹس اعجاز افضل کو مانسہرہ سے ہتھکڑی لگا کر اسلام آباد لے جائیں پھر دل ٹھنڈا ہوگا۔
