بلوچستان میں مون سون بارشوں کے دوران سیلابی صورتحال ہے، اور 24 گھنٹوں کے دوران مزید 3 افراد جاں بحق ہوگئے ہیں۔
پی ڈی ایم اے کی رپورٹ کے مطابق صوبے میں مون سون کی بارشوں کے دوران مختلف واقعات میں جاں بحق افراد کی تعداد 34 ہوگئی۔
یہ بھی پڑھیں سیلابی صورتحال، بلوچستان کے 10 اضلاع آفت زدہ قرار
رپورٹ میں بتایا گیا ہے کہ جاں بحق ہو نے والوں میں 2 خواتین اور 19 بچے شامل ہیں، جبکہ موسلا دھار بارشوں کے دوران مختلف حادثات میں 17 افراد زخمی بھی ہوئے۔
پی ڈی ایم اے کے مطابق بلوچستان میں یکم جولائی سے اب تک بارشوں کے دوران ایک لاکھ 11 ہزار 451 افراد متاثر ہوئے۔
رپورٹ میں بتایا گیا ہے کہ طوفانی بارشوں سے 895 مکانات مکمل منہدم ہوئے جبکہ 14 ہزار 131 کو جزوی نقصان پہنچا۔
پی ڈی ایم اے نے کہا ہے کہ سیلابی صورتحال کے دوران 58 ہزار 830 ایکڑ پر فصلیں اور 74 کلومیٹر سڑکیں متاثر ہوئیں، جبکہ طوفانی بارشوں کے باعث 7 پلوں کو بھی نقصان پہنچا۔
رپورٹ کے مطابق صوبے میں بارشوں کے دوران 373 مویشی ہلاک ہوئے۔
یہ بھی پڑھیں بلوچستان میں طوفانی بارشوں اور سیلاب سے 11 بچوں سمیت 22 افراد جاں بحق ، 131 مویشی ہلاک
پی ڈی ایم اے نے بتایا کہ مو سلا دھار بارشوں کے دوران جعفر آباد کے 3، لورالائی اور کچھی کے ایک ایک ہیلتھ یونٹ کو نقصان پہنچا۔
رپورٹ کے مطابق گزشتہ 24 گھنٹوں کے دوران زیارت میں 21.5 ملی میٹر بارش ریکارڈ کی گئی۔
