اداکار فیروز خان کے اپنی اہلیہ ڈاکٹر زینب کو انسٹاگرام سے ان فالو کردینے کے بعد ایک بار پھر دونوں کے درمیان علیحدگی سے متعلق چہ مگوئیاں شروع ہوگئی ہیں۔ فیروز خان نے پہلی اہلیہ سے طلاق کے بعد جون 2024 میں ڈاکٹر زینب سے دوسری شادی کا اعلان کیا تھا۔
فیروز خان نے ایک ماہ بعد ہی ڈاکٹر زینب کے ساتھ شیئر کی گئی مختلف تصاویر انسٹاگرام سے ہٹادی تھیں۔ تصاویر کے ہٹتے ہی سوشل میڈیا پر چہ مگوئیاں شروع ہوگئی تھیں کہ ان کی دوسری شادی بھی ختم ہوگئی۔ تاہم اداکار نے سوشل میڈیا صارفین کے لیے دوسری اہلیہ کے نکاح کی تصویر انسٹا گرام پر شیئر کی اور ڈاکٹر زینب کو بہترین تحفہ قرار دیا تھا۔
مزید پڑھیں:فیروز خان کے فنکاروں کے نمبرز لیک کرنے کی وجہ سامنے آ گئی
اب کچھ مہینوں بعد ہی فیروز نے انسٹاگرام سے اہلیہ زینب کو ان فالو کردیا ہے۔ سوشل میڈیا سمیت مختلف ویب سائٹ پر دوسری اہلیہ ڈاکٹر زینب کو ان فالو کیے جانے کے اسکرین شاٹس بھی وائرل ہو رہے ہیں۔ صارفین کے مطابق فیروز خان نے اہلیہ کو گزشتہ چند روز کے دوران ہی ان فالو کیا ہے۔
اہلیہ ڈاکٹر زینب کو ان فالو کیے جانے کے بعد سوشل میڈیا صارفین کی تنقیدوں کا رخ ایک بار پھر فیروز خان کی جانب مڑگیا ہے، لیکن تاحال اداکار کی جانب سے کوئی وضاحت سامنے نہیں آئی۔
