مردان کے علاقے رستم باغ جبران کے قریب پیر خانے میں آگ لگ گئی جس کے نتیجے میں 5 افراد جھلس کر جاں بحق ہوگئے۔ ابتدائی معلومات کے مطابق پہاڑ میں اونچائی پر واقع مکان مریدوں کی رہائش گاہ تھی۔
ریسکیو ذرائع کے مطابق ریسکیو 1122 فائر فائیٹرز کی ٹیم نے کافی محنت کے بعد آگ پر قابو پالیا۔ ریسکیو نے تمام جاں بحق افراد کو بھی اسپتال منتقل کردیا۔ تاہم، آگ لگنے کی وجہ تاحال معلوم نہیں ہوسکی۔
مزید پڑھیں: کراچی: غیرقانونی پیٹرول کی دکان پر آگ لگنے سے ایک شخص جاں بحق، رہائشی عمارت خاکستر
پولیس کے مطابق رات کے آخری پہر مرادن میں ایک گھر میں آگ بھڑکنے سے کچا گھر نذر آتش ہوگیا۔ جس کے نتیجے میں 5افراد جاں بحق ہوگئے۔
واضح رہے ریسکیو ٹیموں کے آنے سے قبل لوگ اپنی مدد آپ کے تحت آگ بجھانے کی کوشش کرتے رہے۔ بعدازاں پولیس سمیت ریسکیو ٹیمیں جائے حادثہ پر پہنچ گئیں اور قانونی کارروائی مکمل کی۔
بعدازاں لاشوں کو رستم ٹائپ ڈی اسپتال میں منتقل کردیا گیا، تاہم آگ لگنے کی وجہ فوری طور پر معلوم نہیں ہوسکی۔
مزید پڑھیں: چارسدہ: آندھی سے مکان کی چھت گرگئی، ماں باپ اور 3 بچے جاں بحق
دوسری جانب چارسدہ میں بھی حادثہ پیش آیا ہے، ترنگزئی میں شدید طوفانی ہواؤں کے باعث کمرے کی چھت گرگئی اور ملبے تلے دب کر 5افراد جاں بحق ہوگئے۔
رات گئے واقعے کے بعد مقامی لوگوں نے اپنی مدد آپ کے تحت میاں، بیوی اور 3بچوں کی لاشیں نکال کراسپتال منتقل کردیں۔
