بھارتی ریاست اتر پردیش میں بندروں نے ایک 6 سالہ بچی کو ریپ کا نشانہ بننے سے بچا لیا۔
بھارتی میڈیا کے مطابق، یہ واقعہ اترپردیش کے علاقے باغ پت میں پیش آیا، جہاں ایک اوباش شخص ایک 6 سالہ طالبہ کو بہلا پھسلا کر ایک ویران گھر میں لے گیا اور اس کے ساتھ زیادتی کی کوشش کرنے لگا۔
یہ بھی پڑھیں: بھارت: وحشیانہ جنسی زیادتی کے بعد قتل ہونے والی ٹرینی ڈاکٹر کے والد نے کیا مطالبہ کیا؟
تاہم، بچی کے رونے پر قریب موجود بندروں کے غول نے اس شخص پر حملہ کردیا اور اسے وہاں سے بھاگنے پر مجبور کردیا اور بچی کو درندگی کا نشانہ بننے سے بچا لیا۔
بعدازاں، بچی کے بتانے پر اس کے والدین نے پولیس کو واقعہ کی اطلاع دی۔ بچی کے والد نے پولیس کو بتایا کہ انکی بیٹی گھر کے باہر کھیل رہی تھی جہاں سے نامعلوم شخص اسے اپنے ساتھ کہیں لے گیا۔ بچی کو برہنہ کیا تو عین اسی موقع پر بندروں نے ملزم پر حملہ کردیا جس کی وجہ سے وہ بچی کو چھوڑ کر وہاں سے بھاگ گیا۔
یہ بھی پڑھیں: ’بھارت میں ہر 17 منٹ میں جنسی زیادتی کا واقعہ، کیا ہم ہر 17 منٹ میں شرمندہ ہوں؟‘
انہوں نے بتایا کہ علاقے میں لگی سی سی ٹی وی کیمروں میں محفوظ فوٹیج میں ایک شخص کو میری بیٹی کے ساتھ دیکھا گیا، تاہم اس شخص کی ابھی تک شناخت نہیں ہوسکی۔ پولیس نے بچی کے والدین کی شکایت پر زیادتی کی کوشش کرنے والے شخص کے خلاف مقدمہ درج کرکے ملزم کی تلاش شروع کردی ہے۔
