لاہور پولیس نے پنجاب کے مختلف شہروں سے مبینہ طور پر اغوا کیے گئے 29 لڑکے بازیاب کرا لیے ہیں۔
یہ بھی پڑھیں: 3 سالہ بچی سے جنسی زیادتی کے بعد قتل کی ہولناک واردات، ملزم رکشہ ڈرائیور گرفتار
ڈی آئی جی آپریشنز عمران کشور نے لاہور میں پریس کانفرنس میں بتایا کہ لاہور پولیس نے کارروائی کر کے لاوارث لڑکوں کو اغوا کرنے والے گینگ کے 3 ملزمان کو گرفتار کرلیا ہے جبکہ اغوا کیے گئے 29 لڑکے بازیاب کرا دیے گئے ہیں۔
عمران کشور کے مطابق ملزمان لڑکوں کو ورغلا کر اغوا کرکے آزاد کشمیر لے جاتے، جہاں ان کے ساتھ مبینہ طور پر جنسی زیادتی کی جاتی تھی اور ان سے جبری مشقت بھی کرائی جاتی تھی، گروہ کے سرغنہ عمران، ناصر اور علی رضا کو گرفتار کر لیا گیا ہے۔
یہ بھی پڑھیں: بلوچستان: نجی اسکول پرنسپل کی بھائی سے مل کر 5 طلبہ کے ساتھ جنسی زیادتی
ڈی آئی جی آپریشنز کے مطابق کے مطابق ملزمان لاوارث لڑکوں کو ملازمت کا جھانسا دے کر آزاد کشمیر لے گئے اور انہیں غیر قانونی قید میں رکھا، قید کے دوران لڑکوں کو مبینہ طور پر کئی غیر اخلاقی سرگرمیوں کا نشانہ بنایا گیا۔
