چین کے وزیراعظم لی چیانگ کے اعزاز میں وزیراعظم ہاؤس اسلام آباد میں استقبالیہ تقریب کا انعقاد کیا گیا ہے۔
وزیراعظم ہاؤس میں چینی وزیراعظم لی چیانگ کو پاک فوج کے چاق و چوبند دستے نے گارڈ آف آنر پیش کیا، اور اس موقع پر پاکستان اور چین کے قومی ترانوں کی دھنیں بجائی گئیں۔
یہ بھی پڑھیں ایس سی او اجلاس میں شرکت کے لیے چین کے وزیراعظم پاکستان پہنچ گئے
تقریب میں مسلح افواج کے چاق و چوبند دستے نے چینی وزیراعظم کو سلامی پیش کی۔
واضح رہے کہ چین کے وزیراعظم کے لی چیانگ ایس سی او کانفرنس میں شرکت کے لیے اسلام آباد پہنچ گئے ہیں۔ وزیراعظم پاکستان شہباز شریف نے وفد کے ہمراہ اسلام آباد ایئرپورٹ پر ان کا استقبال کیا۔
اس موقع پر وزیراعظم شہباز شریف کے ہمراہ وزیر خارجہ اسحاق ڈار، وزیر داخلہ محسن نقوی اور دیگر بھی نور خان ایئربیس پر موجود تھے۔
چینی وزیراعظم کو پاکستان آمد کے موقع پر بھی 21 توپوں کی سلامی دی گئ اور گارڈ آف آنر بھی پیش کیا گیا۔
اسلام آباد آمد پر چینی وزیراعظم لی کیانگ نے کہا ہے کہ وہ اس دورے کے ذریعے دونوں ممالک میں وسیع اور گہرے تبادلوں کے منتظر ہیں۔
یہ بھی پڑھیں دورہ پاکستان کے ذریعے دونوں ممالک میں وسیع اور گہرے تبادلوں کا منتظر ہوں، چینی وزیراعظم
چینی وزیراعظم لی کیانگ کا کہنا تھا کہ شنگھائی تعاون تنظیم (ایس سی او) سربراہان حکومت کے 23ویں اجلاس میں شرکت کرنے پر خوشی ہے۔ انہوں نے کہا کہ پاکستان بھی اپنی اصلاحات اور ترقیاتی کاوشوں کے لیے پرعزم ہے۔
