سابق چیئرمین پاکستان کرکٹ بورڈ (پی سی بی) رمیز راجا نے کہا کہ آسٹریلیا کے دورہ پاکستان اور ٹیسٹ سیریز کے دوران تیار کی جانے والی پچ بابر اعظم کے کہنے پر تیار کی گئی تھی۔ پچز کی تیاری اور کھلاڑیوں کی سیلیکشن کپتان کی بنائی گئی حکمت عملی کے مطابق ہی ہوتی ہے۔
𝐄𝐱𝐜𝐥𝐮𝐬𝐢𝐯𝐞: 𝐑𝐚𝐦𝐢𝐳 𝐚𝐧𝐝 𝐏𝐢𝐭𝐜𝐡𝐞𝐬! 🇵🇰🏴
This is so confusing from @iramizraja. Why would he allow @babarazam258 to have his say on the pitches when he himself wanted sporting ones? He wanted Australian clay for them to behave differently. So why would he give… pic.twitter.com/ZLoTqm0mjW
— Kamran Ali (@Kam007_tweet) October 19, 2024
سابق کرکٹر و چیئرمین پی سی بی رمیز راجا نے کہا کہ انہوں نے ہمیشہ پچز کی تیاری اور کھلاڑیوں کی سیلیکشن پر کپتان کی حکمت عملی کو ترجیح دی۔ بابر اعظم جب کپتان تھے تو ان سے یہی کہا تھا کہ آپ نے کیا پلان بنایا ہے، آسٹریلیا کے خلاف سیریز میں بھی ایسا ہی ہوا، انہوں نے حکمت علی تیار کی اس کے مطابق وکٹ بنائی گئی۔
مزید پڑھیں: بھارت کو ہوم گراؤنڈ پر ہرانا تقریباً ناممکن ہو چکا، رمیز راجا
سابق کرکٹر رمیز راجا نے کہا کہ بابر اعظم کپتان تھے، ان کو اجازت دے رکھی تھی کہ آپ گیم پلان ترتیب دیں، اپنے کھلاڑیوں کو اس کے مطابق تیار کریں، خاص طور پر پہلے ٹیسٹ میچ کے لیے، کیونکہ وہ کپتان تھے اور گراؤنڈ میں وہی ہوتا ہے جو کپتان نے پلان تیار کیا ہوتا ہے۔
انہوں نے کہا کہ پچز کی نیچر کو جانے بغیر اندازے سے میچ کھیلنے کا نتیجہ سب کے سامنے آجاتا ہے، کیونکہ پچ کو سمجھے بغیر آپ کوئی بھی پلان یا حکمت عملی اپنا ہی نہیں سکتے اور آخر میں وہ چیز آپ کے نقصان کا باعث بنتی ہے۔
یہ بھی پڑھیں: رمیز راجا کو معافی مانگنے کا نہیں کہا ، پی سی بی
ان کا کہنا تھا کہ پاکستان کو بھی اسی صورتحال سے گزرنا پڑ رہا ہے اور ہوم گراؤنڈ پر شکست کی وجہ بھی یہی ہے کہ پچز اس طرح کا ریسپانس نہیں دیتیں جس طرح کا ٹیلنٹ پاکستان میں موجود ہے۔
