نماز ادا کرتے چیف جسٹس آف سپریم کورٹ کی تصویر بنانے والے کو نہ روکنے پر سپریم کورٹ کے ایس پی سیکیورٹی کو محکمہ جاتی تادیب کا سامنا۔
یہ بھی پرھیں:چیف جسٹس یحییٰ آفریدی کا پہلا دن، اگلے 2 ہفتوں کے لیے بینچز کی تشکیل
سپریم کورٹ کی مسجد میں ایک یوٹیوبر نے اُس وقت چیف جسٹس یحییٰ آفریدی کی تصویر کھینچ لی جب وہ سپریم کورٹ کی مسجد میں نماز ادا کر رہے تھے۔
میڈیا رپورٹ کے مطابق چیف جسٹس پاکستان یحییٰ آفریدی سپریم کورٹ کی مسجد میں نماز ادا کر رہے تھے، انہوں نے جب سلام پھیرا تو وہاں موجود یوٹیوبر نے ان کی تصویر بنالی۔
یوٹیوبر کی جانب سے تصویر اتارے جانے پر چیف جسٹس نے فوراً ہی ایس پی سیکیورٹی سے متعلق استفسار کیا اور ان کے میٹنگ میں جانے کی اطلاع پر چیف جسٹس نے ایس پی سکیورٹی کا سپریم کورٹ سے ٹرانسفر کا حکم جاری کر دیا۔
یہ بھی پڑھیں:چیف جسٹس یحییٰ آفریدی کے بعد سینیئر موسٹ جج کون؟
میڈیا رپورٹس کے مطابق چیف جسٹس کے احکامات کے بعد نئے ایس پی سکیورٹی نے سپریم کورٹ سکیورٹی کا چارج سنبھال لیا ہے۔
