قومی وائٹ بال ٹیم کے کوچ گیری کرسٹن کے استعفیٰ کے بعد پاکستان کرکٹ بورڈ (پی سی بی) نے ریڈ بال ٹیم کے ہیڈ کوچ جیسن گلیسپی کو وائٹ بال ٹیم کے ہیڈ کوچ کی اضافی ذمہ داری سونپ دی ہے۔
The Pakistan Cricket Board today announced Jason Gillespie will coach the Pakistan men’s cricket team on next month’s white-ball tour of Australia after Gary Kirsten submitted his resignation, which was accepted.
— Pakistan Cricket (@TheRealPCB) October 28, 2024
پی سی بی نے وائٹ بال ٹیم کے ہیڈ کوچ گیری کرسٹن کا استعفیٰ قبول کرلیا ہے اور جیسن گلیسپی کو دورہ آسٹریلیا کے لیے پاکستان کی ون ڈے اور ٹی20 ٹیم کا ہیڈ کوچ مقرر کرنے کا اعلان کردیا ہے۔
یہ بھی پڑھیں: پی سی بی سے اختلافات، قومی وائٹ بال ٹیم کے کوچ گیری کرسٹن مستعفی
گیری کرسٹن کے استعفے کے بعد نئے کوچ کی تقرری کے معاملے پر مشاورت کی گئی تھی، اس حوالے سے سابق ٹیسٹ کرکٹر عاقب جاوید اور دیگر کے ناموں پر بھی غور کیا جارہا تھا، تاہم پی سی بی نے جیسن گلیسپی کو دورہ آسٹریلیا کے لیے وائٹ بال ٹیم کا ہیڈ کوچ مقرر کردیا ہے۔
واضح رہے کہ گیری کرسٹن اور پی سی بی کے درمیان اختلافات سامنے آئے تھے، جس کے بعد گیری کرسٹن نے اپنے عہدے سے استعفیٰ دے دیا تھا۔
یہ بھی پڑھیں: سینٹرل کانٹریکٹ کا اعلان، کس کھلاڑی کی ترقی ہوئی اور کس کی تنزلی؟
میڈیا رپورٹس کے مطابق، گیری کرسٹن سینٹرل کنٹریکٹس کی کیٹگریز اور اسپورٹ اسٹاف میں اپنے پسندیدہ افراد کو شامل کرنا چاہتے تھے اور پی سی بی پر دباؤ ڈال رہے تھے کہ بورڈ ان کی مرضی کے لوگوں کو کنٹریکٹس دے، اسی بنا پر گیری کرسٹن اور پی سی بی کے درمیان اختلافات پیدا ہوئے تھے۔
